သမိုင်းဟူသည် ဤသို့တည်-၄ [မင်းကြီးအသောက နှင့် ယောနက-အာဖဂန် နှင့် အစ္စလာမ်- အာဖဂန်မင်းနှင့် ဗုဒ္ဓဘာသာ]

သမိုင်းဟူသည် ဤသို့တည်-၄ [မင်းကြီးအသောက နှင့် ယောနက-အာဖဂန် နှင့် အစ္စလာမ်- အာဖဂန်မင်းနှင့် ဗုဒ္ဓဘာသာ]

ယခုဆောင်းပါးမှာ အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့ ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့် စာအုပ်ကိုဤ ကျမ်းငယ်ပြုစုသူ ရဲရင့်သစ္စာမှ သမိုင်းအမှန်များ ဖြင့် ပြန်လည်ဖြေရှင်းရေးသားသာ စာအုပ်မှ အခန်းဆက်ဖော်ပြချက်ဖြစ်ပါသည်။

တဆက်ထဲမှာ ယခု ရက်ပိုင်းအတွင်း News Watch ဂျာနယ်တွင် သမိုင်းဆိုင်ရာ အချက်အလက် အမှားများစွာနှင့် အစ္စလာမ်သာသနာအား တဖက်သက်တိုက်ခိုက် ရေးသားထားသည့် ရေးသားသူ သရ၀ဏ် (ပြည်) ဆိုသူရဲ့ အာဖဂန်နစ္စတန်တွင် ဗုဒ္ဓဘာသာပျောက်ကွယ်သွားခြင်းအကြောင်း –  ပါ အကြောင်းအရာများကို ယှဉ်တွဲဖတ်ရှု့ကြပါရန်။

မင်းကြီးအသောက နှင့် ယောနက

စာမျက်နှာ ၄၄၊ ၄၅ မှာ စာရေးသူက “ဂန္ဓာရတိုင်း ၊ ယောနကတိုင်း ဟုခေါ်သော (ယခု အာဖဂန်နစ္စတန်၊ တဂတ်မင် နစ္စတန်၊အီရန် ၊ အီရတ်၊ တူရကီ၊ ဆီးရီးယားနှင့် ဂျော်ဒန်) ဒေသတို့မှာ အသောက မင်းကြီး နှင့် မိလိန္ဒ မင်းကြီး တို့ စိုးစံ ခဲ့သော (ဘီစီ-၂၄၄) မှ (ဘီစီ-၁၄၀) အတွင်းနှစ်ပေါင်း (၁၀၄) နှစ်ကျော်မျှ ထေရ ဝါဒဗုဒ္ဓသာသနာ ထွန်းလင်းရာ ဒေသဖြစ်ခဲ့သည်။ ထိုဒေသအားလုံး မှာ ယခု အခါအစ္စလမ်ထီးရိပ်အောက် သို့ဝင်ရောက် ခိုလှုံသွားခဲ့ကြပြီဖြစ်သည်။”

အဲဒီလိုရေးသားထားတဲ့အတွက် ဆိုလိုရင်းကဘယ်လိုပုံပေါက်နေသလဲဆို တော့ အဲဒီနေရာတွေမှာ ထေရဝါဒဗုဒ္ဓသာသနာထွန်းလင်းခဲ့ပေမဲ့၊ မွတ်စ်လင်မ် တွေကတိုက်ခိုက်ပြီး သိမ်းသွင်းလိုက်လို့အစ္စလာမ် ထီးရိပ်အောက်ကိုရောက်သွား သလိုလို။

ဂန္ဓာရတိုင်း ဆိုတာက “အာဖဂန်နစ္စတန်၊ တဂတ်မင် နစ္စတန်တို့ကို ခေါ် တယ်” ဆိုတဲ့အချက်ဟာ အငြင်းပွါးစရာမရှိပါ။ သို့သော်ယောနကတိုင်းဆိုတာ အီရန် ၊ အီရတ်၊ တူရကီ၊ ဆီးရီးယား နှင့်ဂျော်ဒန် တို့ကို ဆိုလိုတာ ဖြစ်ကြောင်း စာရေးသူ ဆရာတော် အပါအဝင် အချို့ဗုဒ္ဓဘာသာပညာရှင်တွေ က ရေးထားပေမဲ့ ယောနက တိုင်းဆိုတာ ဇင်းမယ်ခရိုင်ကိုဆိုလိုတာဖြစ်ကြောင်း၊ ယိုးဒယားမြောက်ပိုင်း ဖြစ်သော ဇင်းမယ် (ချင်းမိုင်) ၊ ကျိုက်ခေါင်စတဲ့ မြို့တွေရဲ့ တည်နေရာဖြစ်ကြောင်း၊  ရာဇဂုရု-ရာဇာဓိ ရာဇ ဂုရု တံဆိပ်တော်နှစ်တန် အပူဇော်ခံရသော မောင်းထောင်ဆရာတော် ဘုရားကြီး ရေးသားထား တဲ့ ပါဠှိ ဘာသာသာသနာဝင်ကျမ်း၏ မြန်မာဘာသာပြန်မှာ အတည့်အလင်း ပါရှိလို့နေပါတယ်။

စာရေးသူ ရဲ့ အရေးအသားနဲ့အဲဒီကျမ်းရဲ့ အလို နဲ့ယှဉ်ရင်အရှေ့ အနောက်ဆန့်ကျင်ဖက်ကြီး ကို ကွာခြားလို့နေပါတော့တယ် ခင်ဗျာ ။ ဘယ်အဆိုအမှန်လဲ ဆိုတာကိုတော့ ပညာရှင်အချင်းချင်း ညှိ ယူကြစေချင်ပါတယ်။

အသောကမင်းကြီး ဟာ ကိုးတိုင်းကိုးဌာန ကို ဗုဒ္ဓသာသနာပြုတွေ စေလွှတ်ခဲ့ တယ်လို့ဗုဒ္ဓဘာသာ သမိုင်းတွေမှာရေးသားထားကြတာအမှန်ပါဘဲ။ အဲဒီလိုစေလွှတ်ခဲ့ ပေမဲ့ အဲဒီတိုင်းဒေသကြီးတွေမှာ  ထေရဝါဒဗုဒ္ဓသာသနာ ဘယ်လောက် ကြာကြာ ထွန်းလင်းခဲ့သလဲ? ထေရဝါဒကိုဝါးမျိုပြီး အခြားဂိုဏ်းအယူဝါဒတွေဘယ်လိုထွန်း လင်းလာသလဲဆိုတာအကျယ်တဝင့်မရေးပြတော့ပါဘူး။ စိတ်ဝင်စားသူ များအနေ နဲ့ ဦးစိန်ထွန်း (မာမက-သုတေသီ) ရဲ့ “ကမ္ဘာပတ် ၍ ဘုရားရှာခြင်း” နဲ့ မောင်အံ့ မဟာဝိဇ္ဇာ (ဘုံဘေ) ရဲ့ “ဗုဒ္ဓသာသနာတော် ၂၅၀၀ ခရီး” တို့ကို လေ့လာကြည့်ကြပါ။

အာဖဂန် နှင့် အစ္စလာမ်

အာဖဂန်နစ္စတန်မှာ အစ္စလာမ်ဘာသာပြန့်ပွါးခဲ့တာ ဟာ တိုက်ခိုက်သိမ်းပိုက် လို့မဟုတ်ပါဘူး။ ဘာသာတရားတစ်ခုကအခြားဘာသာကိုလွှမ်းမိုးဖို့ဆိုတာတိုက်ခိုက် သိမ်းပိုက်လိုက်ရုံနဲ့မဖြစ်နိုင်ပါဘူး။ ဘာသာတရားတစ်ခုအပေါ် ကြံ့ကြံ့ခံ ရပ်တည်နိုင် ခြင်းဟာ အဲဒီဘာသာအပေါ်မှာ ထားတဲ့ ယုံကြည်မှု နဲ့ဘဲဆိုင်ပါတယ်။ မွန်ဂိုတွေဟာ အစ္စလာမ်ဘာသာ ထွန်းကားတဲ့ နိုင်ငံတွေကို ပြင်းပြင်းထန်ထန်တိုက် ခိုက်ခဲ့တဲ့အပြင် အစ္စလာမ်ဘာသာကိုလည်းအကြမ်းဖက်တိုက်ခိုက်ခဲ့ပါတယ်။ တိုက်ခိုက်သိမ်းပိုက်ခံရတဲ့ နယ်မြေတွေမှာ အစ္စလာမ်ဘာသာ ဟာ မပျောက်ပျက်သွားရုံမကပိုပြီးတိုးပွါးလာတဲ့ အပြင် နောက်ပိုင်း မွန်ဂိုမင်းဆက်တွေ ပါ မွတ်စ်လင်မ်တွေ ဖြစ်ကုန်ပါတယ်။ အဲဒီ အကြောင်း ကို ဗုဒ္ဓဘာသာ မြစ်ဖျားနှင့်သမိုင်းရှုထောင့်စာအုပ် စာရေးသူ ကိုယ်တိုင်က စာမျက်နှာ (၄၉) မှာရေး ထားပါတယ်။ အစ္စလာမ် ဘာသာ ဟာ တိုက်ခိုက်သိမ်းပိုက်ပြီး ပြန့်ပွါးစေခဲ့တဲ့ ဘာသာမဟုတ်ကြောင်း မွန်ဂိုတွေမွတ်စ်လင်မ်ဖြစ်ခဲ့ခြင်း က အကောင်း ဆုံး သက်သေပါဘဲ။

အာဖဂန်နစ္စတန်ကိုအစ္စလာမ်ဘာသာစတင် ရောက်ရှိကတည်းကအာဖဂန် သား အများစုကြီး ဟာ စွန်နီ မွတ်စ်လင်မ် တွေပါ။ အာဖဂန်နစ္စတန်သားတွေဟာ ရှီအာ (ရှိအိုက်) တွေ ဖြစ်တယ် လို့ ဗုဒ္ဓ ဘာသာမြစ်ဖျားနှင့်သမိုင်းရှုထောင့်စာအုပ် စာမျက်နှာ (၄၅) မှာရေးထားတဲ့ အတွက် ဆိုးရွားစွာကိုမှားယွင်းနေကြောင်းပါ။

အာဖဂန်မင်းနှင့် ဗုဒ္ဓဘာသာ

အာဖဂါနစ္စတန် ဘုရင်တွေထဲမှာ စူလ်တန်မဟ်မူဒ်ဂဇ်နီ (အေဒီ ၉၇၁-၁၀၃၀) ဟာ မူလက အာဖဂန်အိန္ဒိယ နယ်စပ်မှာရှိတဲ့ ရှိအိုက် တွေကို စစ်ပြုခဲ့ရုံ မက၊ အိန္ဒိယ မှာ ရှိတဲ့ ဟိန္ဒူ ဘုရင်တွေကို လည်း ကျူးကျော် တိုက်ခိုက်ခဲ့သူဖြစ်ပါ တယ်။သူ့ရဲ့မူလစစ်ဆင်ရေးဟာအိစ်မာအိလီရှိအိုက်တွေကိုဦးတည်ခဲ့ပြီးနောက်ပိုင်းမှာတော့ အိန္ဒိယက ဟိန္ဒူရှာဟီဘုရင်တွေနဲ့ နယ်ပယ်တွေကို တိုက်ခိုက်ခဲ့ပါတယ်။

သူဟာဟိန္ဒူဘုရားကျောင်းတွေကိုလည်းတိုက်ခိုက်လုယက်ဖျက်ဆီးခဲ့ပါသေးတယ်။မဟာယနဗုဒ္ဓဘာသာ ကျောင်းတိုက်တစ်ချို့ကိုဖျက်ဆီးခဲ့တာလည်း ဟုတ်ပါတယ်။ ဒါဟာ သမိုင်း အမှန်ပါ။ ရိုးသားဖြူစင်တဲ့ လူသားမှန်ရင် သမိုင်းအမှန်ကို လက်ခံရဲ ရုံမက၊ ကျန်လူသားတွေ ရှေ့လည်း မှန်မှန်ကန်ကန်ချပြတတ်ရပါတယ်။ သို့သော် စူလ်တန် မဟ်မူဒ် တိုက်ခိုက်ခဲ့တဲ့ ဥဒ္ဒိယန (ဩရစ္စ) ဟာတော့ တန္တရ ဝါဒ ဖြန့်ချီ ရာဗဟိုဌာနဖြစ်ခဲ့ပြီး စည်ပင်ထွန်းကားတဲ့ဗုဒ္ဓဘာသာ ဘုန်းတော်ကြီး ကျောင်းများ မရှိခဲ့ကြောင်း Harvard University က ဒေါက်တာဘွဲ့ရထား တဲ့မဟာယနဗုဒ္ဓ ဘာသာပညာရှင် ဒေါက်တာ အလက်ဇန္ဒား ဘာဇင်န် က သူ့ရဲ့ The Historical Interaction between the Buddhist and Islamic Cultures before the Mongol Empire, (၂၀၀၆)၊ The Ghaznavid Campaign in Gandhara and Northwestern India ခေါင်းစဉ် အောက်မှာ ရေးသားထားပါတယ်။

အဲဒီဘုရင်ဟာ ရှိအိုက်နဲ့ဘူယစ်ဒ်တွေ (Buyid) အပေါ် အဓိကထား တိုက်ခိုက်ခဲ့ပြီး၊ အစပိုင်း မှာ ဟိန္ဒူတွေကိုလည်းတိုက်ခိုက်ခဲ့ပေမဲ့၊ ဗုဒ္ဓဘာသာအပေါ်မှာရည်ရွယ်ချက်နဲ့ ကျူး လွန်ခဲ့ခြင်းမရှိပါဘူး။ ဒါ့အပြင်သူ့ခေတ်မှာလူအချို့ကဂေါတမဗုဒ္ဓကိုတမန်တော် တစ် ပါးအဖြစ် မှတ်ယူခဲ့ကြ ကြောင်း၊ ပါရှန်း မွတ်စ်လင်မ် သမိုင်းပညာရှင်ကြီး အလ်ဗိရူနီ ကဗုဒ္ဓဘာသာကိုအကောင်းမြင်ရေးသားမှတ်တမ်း တင်ခဲ့ကြောင်း ဗုဒ္ဓဘာသာ ပညာ ရှင် ဒေါက်တာအလက်ဇန္ဒား ဘာဇင်န် ရဲ့ အထက်ဖော်ပြပါ သုတေ သနမှာရေးသား ထားပါသေးတယ်။

အဲဒီအချိန်က အာဖဂန်ဘုရင်စူလ်တန်မဟ်မူဒ် ရဲ့မင်းဆက်တွေဟာ ဗုဒ္ဓဘာ သာ အပေါ်ဖိနှိပ်မှုတွေ မရှိခဲ့ကြောင်း၊ Nava Vihara (နောင်ဝ်ဗဟာရ်) မှာရှိတဲ့ ဗုဒ္ဓ ဘာသာနံရံ ဆေးရေးပန်းချီ အနုပညာ လက်ရာတွေ နဲ့ အာဖဂန်အလယ်ပိုင်းမှာရှိ တဲ့ ဗာမီယန်ဗုဒ္ဓ ရုပ်ပွါးတော်ကြီးတွေ ကို လုံးဝထိခိုက်မှုမရှိခဲ့ကြောင်း၊ Sogdia တောင်ပိုင်းမှာရှိတဲ့ ဗုဒ္ဓဘာသာဘုန်းတော်ကြီးကျောင်းတွေဟာလည်းလှုပ်ရှား အသက်ဝင်စည်ပင်ထွန်းကားလျှက်ရှိခဲ့ကြောင်း၊ ဗုဒ္ဓဘာသာဘုန်းတော်ကြီးကျောင်း တွေနဲ့မွတ်စ် လင်မ် ဗလီဝတ်ကျောင်းတွေဟာ ဘေးချင်းယှဉ်လျှက် ငြိမ်းချမ်းစွာ တည်ရှိခဲ့ကြောင်းအထက်ပါဗုဒ္ဓဘာသာ ပညာရှင် ဒေါက်တာအလက်ဇန္ဒားဘာဇင်န် ကရေးသားထားပါတယ်။

အာရှအလယ်ပိုင်းမှာ အစ္စလာမ်ဘာသာ ပြန့်ပွါးစည်ပင်ခဲ့ ရခြင်းဟာဓားမိုး သာသနာကူးပြောင်းစေခဲ့ခြင်းကြောင့်မဟုတ်ဘဲ၊မွတ်စ်လင်မ်သူတော်စင်ဆူဖီ (Sufi) ကြီး များရဲ့ ဟောပြောပို့ချ သာသနာပြုမှုကြောင့်သာ ဖြစ်ပါတယ်။ အဲဒီ အချက်ကို ကမ္ဘာ့ သမိုင်းပညာရှင်ကြီး အတော်များများက ဖွင့်ဟဝန်ခံထားပါတယ်။ အဲဒီ ပညာရှင်တွေ ထဲမှာ ဗုဒ္ဓ ဘာသာသမိုင်းရေးရာကျွမ်းကျင်သူပညာရှင်ကြီး များလည်း ပါပါတယ်။ နမူနာ အနေနဲ့….ဒေါက်တာ Alexander Berzin က သူ့ရဲ့ အထက်ပါသုတေသန ရဲ့ The Spread of Islam among and by the Turkic Peoples (840 – 1206 CE)ခေါင်းစဉ်အောက်မှာ ဝေဝါးခြင်းမရှိဘဲ၊ အတိအလင်းဖွင့်ဟရေး သား ထားတာကို လေ့လာကြည့်စေလိုပါတယ်။

ဆက်ရန်- သမိုင်းဟူသည် ဤသို့တည် အပိုင်း(၅) [အိန္ဒိယ နှင့် ထေရဝါဒ- တန္တရ မန္တရ အယူဝါဒ]

အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့

ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့်

 

ရဲရင့်သစ္စာ

Tags: , , , , , , ,

One Response to “သမိုင်းဟူသည် ဤသို့တည်-၄ [မင်းကြီးအသောက နှင့် ယောနက-အာဖဂန် နှင့် အစ္စလာမ်- အာဖဂန်မင်းနှင့် ဗုဒ္ဓဘာသာ]”

  1. drkokogyi Says:

    သမိုင်းဟူသည် ဤသို့တည်-၅ [အိန္ဒိယ နှင့် ထေရဝါဒ- တန္တရ မန္တရ အယူဝါဒ]
    ယခုဆောင်းပါးမှာ အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့ ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့် စာအုပ်ကိုဤ ကျမ်းငယ်ပြုစုသူ ရဲရင့်သစ္စာမှ သမိုင်းအမှန်များ ဖြင့် ပြန်လည်ဖြေရှင်းရေးသားသာ စာအုပ်မှ အခန်းဆက်ဖော်ပြချက်ဖြစ်ပါသည်။

    တဆက်ထဲမှာ ယခု ရက်ပိုင်းအတွင်း News Watch ဂျာနယ်တွင် သမိုင်းဆိုင်ရာ အချက်အလက် အမှားများစွာနှင့် အစ္စလာမ်သာသနာအား တဖက်သက်တိုက်ခိုက် ရေးသားထားသည့် ရေးသားသူ သရ၀ဏ် (ပြည်) ဆိုသူရဲ့ အာဖဂန်နစ္စတန်တွင် ဗုဒ္ဓဘာသာပျောက်ကွယ်သွားခြင်းအကြောင်း – ပါ အကြောင်းအရာများကို ယှဉ်တွဲဖတ်ရှု့ကြပါရန်။

    အိန္ဒိယ နှင့် ထေရဝါဒ

    ကုသိနာရုံမှာ ဗုဒ္ဓဘာသာရဟန်းတော်တွေကို မွတ်စ်လင်မ်တွေက ဂူပေါက် ပိတ်မီးပူဇော်ခဲ့တယ်လို့ ဘယ်ကမ္ဘာကျော် သမိုင်းကျမ်းမှာ ပါရှိသလဲ ဆိုတာကိုတော့ မသိပါ။ တစ်ကယ်လို့ အဲဒီလိုဖြစ်ရိုး မှန်ခဲ့ရင်လည်း အဲဒီရဟန်းတွေ ဟာထေရဝါဒ ဗုဒ္ဓဘာသာဝင်တွေ လုံးဝမဖြစ်နိုင်ပါဘူး။ကုသိနာရုံ (Kushinagar) ဟာ အိန္ဒိယရဲ့ မြောက်ပိုင်းပြည်နယ်ဥတ္တရပရာဒေ့ရ်ှမှာတည်ရှိပါတယ်။ အိန္ဒိယပြည် မြောက်ပိုင်းနဲ့ နောက် မြောက်ပိုင်းတွေမှာထေရဝါဒဗုဒ္ဓဘာသာဟာ (သာသနာနှစ် ၆၀၀၊ အေဒီ ၁၀၀ခန့်) က တည်းကိုက ကွယ်ပခဲ့ပြီ ဖြစ်ကြောင်း၊ အဓမ္မဝါဒီ ဂိုဏ်းကွဲတွေဖြစ် ကြတဲ့မဟာသံဃိကဂိုဏ်း နဲ့သဗ္ဗတ္ထိဂိုဏ်းဝါဒ တွေသာလွှမ်းမိုးခဲ့ကြောင်း မောင်အံ့ မဟာ ဝိဇ္ဇာ (ဘုံဘေ) က သူ့ရဲ့ ဗုဒ္ဓ သာသနာတော် ၂၅၀၀ ခရီး စာမျက်နှာ ၈၂၊ ၈၃ မှာ ရေးသားထားပါတယ်။

    ထေရဝါဒဗုဒ္ဓသာသနာပြု အသောကမင်းကြီးရဲ့ မောရိယမင်းဆက် နောက် ပိုင်းမှာသုင်္ဂမင်း (သုင်္ဂပုရှာမိတြ)ဟာမဂဓအင်ပါယာကို စိုးစံခဲ့ပါတယ်။ အဲဒီမင်းဟာ ဗုဒ္ဓဘာသာဂိုဏ်းကွဲတိုင်း ကိုပြင်းပြင်းထန်ထန်ဖိနှိပ်ခဲ့တဲ့ဗြာဟ္မဏ(ဟိန္ဒူဘာသာဝင်) မင်းဖြစ်ပါတယ်။ ဘုန်းကြီးခေါင်း တစ်လုံးဖြတ်ဆက်သလျှင် ဆုငွေ (၁၀၀၀) ပေးမည် လို့ ကြေညာပြီး နှိပ်ကွပ်ခဲ့တဲ့ဘုရင်ပါ။ ထေရဝါဒ ဗုဒ္ဓဘာသာ နဲ့ ထေရဝါဒ ရဟန်း တော်တွေဟာ ဗြာဟ္မဏဘာသာဝင် သုင်္ဂပုရှာမိတြ ရဲ့ သုင်္ဂမင်းဆက် လက်ထက် မှာတင် အိန္ဒိယ မှာ ကွယ်ပခဲ့ပြီဖြစ်ကြောင်း၊ အေဒီ ၁ ရာစု အတွင်း မှာ ထေရဝါဒ ဗုဒ္ဓဘာသာဟာ အိန္ဒိယမှာ လုံးဝမရှိတော့ဘဲ သီဟိုဠှ် နဲ့ သုဝဏ္ဏဘူမိ သထုံပြည် တို့မှာ သာ ကျန်ရှိတော့ကြောင်း၊ ဟိန္ဒူဗြာဟ္မဏ ဘာသာဝင် ဘုရင်တွေ ဟာ ဗုဒ္ဓ ဂယာ က မဟာဗောဓိ ပင်ကို အကြိမ်ကြိမ် ခုတ်ထစ်တူးဖော် မီးရှို့ခဲ့ကြကြောင်း ဦးစိန် ထွန်း (မာမက-သုတေသီ) က သူ့ရဲ့ ကမ္ဘာပတ်၍ ဘုရားရှာခြင်းစာအုပ်၊စာမျက်နှာ (၂၄၂၊ ၂၄၃) မှာ အခိုင်အမာရေးပြထားပါတယ်။

    အေဒီ ၃ ရာစု မှ ၄ ရာစုအတွင်း ပေါ်ပေါက်လာခဲ့တဲ့ မဟာယနဂိုဏ်းဟာ အိန္ဒိယမြောက်ပိုင်းဒေသတွေမှာ ထွန်းကားနေခဲ့ပြီး ပင်မထေရဝါဒဟာတော့ သီဟိုဠှ် နဲ့ မြန်မာပြည်ဘက်မှာ ထွန်းကားနေခဲ့ တယ်လို့ရေစကြိုအရှင်ဧသိက က သူ့ရဲ့ ထေရဝါဒ ဗုဒ္ဓဘာသာစာအုပ် စာမျက်နှာ (၃၁) မှာ အခိုင်အမာ ရေးသားထား ပါတယ်။ ဒီလောက်ဆို သမိုင်း အထောက်အထားတွေနဲ့ သေသေချာချာ သိရတာက အာဖဂန် ဘုရင် စူလ်တန်မဟ်မူဒ် အိန္ဒိယ ကို ဝင်ရောက် တိုက်ခိုက်တဲ့အချိန်၊ အိန္ဒိယမြောက်ပိုင်းနဲ့အနောက်မြောက်ပိုင်းတွေမှာ ထေရဝါဒ ဗုဒ္ဓသာသနာဟာ ကွယ်ပနေခဲ့ပြီးဖြစ်ကြောင်းနဲ့ မဟာသံဃိက အစရှိတဲ့ အဓမ္မ ဝါဒီဂိုဏ်းကွဲတွေ နဲ့ မဟာ ယန အယူအဆတွေသာကြီးစိုးနေခဲ့တယ်ဆိုတာပါ။

    မဟာယန အယူအဆ တွေကြီး စိုးနေတယ်လို့ ဆိုရာမှာလည်း အဓိက ကြီးစိုးနေခဲ့တာက မဟာယနအသွင်ကို ဆောင်ထားတဲ့ တန္တရ မန္တရ အယူဝါဒသာဖြစ်ပါတယ်။ အဲဒီ တန္တရ မန္တရအယူကို ဝဇီရယာနလို့လည်း ခေါ်ပါတယ်။

    တန္တရ မန္တရ အယူဝါဒ

    ဒီနေရာမှာ အလျဉ်းသင့်တဲ့ အတွက် တန္တရ မန္တရ အယူဝါဒ ဘာလဲ ဆိုတာ ကို အကျဉ်းတင်ပြလိုပါတယ်။ တန္တရ မန္တရ အယူဝါဒ ဆိုတာကို ပညာရှင်အချို့က ဗုဒ္ဓဘာသာနဲ့ပတ်သက်ဆက်နွှယ် ရေးသား ကြပေမဲ့၊ တစ်ကယ်တော့အဲဒီအယူဝါဒ ကျင့်စဉ် ယုံကြည်ချက်တွေဟာ ဂေါတမ ဗုဒ္ဓရဲ့ အဆုံးအမ တွေနဲ့ ဖီလာဆန့်ကျင် လျှက်ရှိပါတယ်။ တန္တရ မန္တရအယူဝါဒ ရဲ့ အဓိကကျင့်စဉ် တွေက မန္တန်၊ အင်းအိုင် ခါးလှဲ့လက်ဖွဲ့ အစီအရင် တွေ အပေါ်အခြေခံပြီး၊ အဲဒီလိုကျင့်စဉ် တွေကျင့်ခြင်း အားဖြင့် နိဗ္ဗာန်ကိုရောက်တယ်လို့ အယူရှိကြသူတွေဖြစ်ပါတယ်။ ဒီ တန္တရ မန္တရ အယူဝါဒရှင်တွေဟာ အိန္ဒိယပြည် ဂုပ္ပတမင်းဆက် အစပိုင်း (အေဒီ ၃၂၀)မှ ဟဿဝဒ္ဓနမင်း လက်ထက် (အေဒီ ၆၀၆) အထိ ကာလအတွင်း မန္တရားကျမ်း အတော်များများကိုရေးသားပြုစုခဲ့ကြပါတယ်။ အဲဒီကျမ်းတွေ ထဲမှာ မန္တရား၊ အင်း အိုင်၊ လက်ဖွဲ့အစီအရင်တွေ အကြောင်း၊ အရက်သောက်ခြင်း၊ မေထုန်မှီဝဲခြင်း စသည့်အကြောင်း တွေကို ဖော်ပြထားတဲ့အပြင်၊ လုယက်ခြင်း၊ လိမ်လည်ခြင်း၊ ခိုးခြင်း၊သူတစ်ပါးမယား ကြာခိုခြင်း စတဲ့ ယုတ်ညံ့တဲ့လုပ်ရပ်တွေကိုပါ ထောက်ခံ အားပေးထားတယ်လို့ဆိုကြပါတယ်။

    အဲဒီ တန္တရ မန္တရ အယူဝါဒရှင်တွေ ရဲ့ ဂိုဏ်း ဟာ ဝဇီရယာန ဂိုဏ်းလို့ကျော်ကြားပါတယ်။ သူတို့ ဟာမဟာယန ရဟန်း အသွင်ကို ဆောင်ထားပြီး အယုတ်ညံ့ဆုံး လုပ်ရပ်တွေကို လုပ်တဲ့လူတွေ ဖြစ်ပါ တယ်။သူတို့ရဲ့ အယူဝါဒဟာ တစ်ဖြည်းဖြည်းနဲ့ ကျယ်ပြန့်လာပြီး အဲဒီခေတ်က ဘုရင်တွေတောင် စစ်ထွက် စစ်ချီတဲ့ အခါ တန္တရ မန္တရမန်းမှုတ်တတ်သူတွေကို ခေါ် ပြီး စစ်ချီလေ့ရှိပါတယ်။ တန္တရ မန္တရ အယူဆရာကြီးတွေဟာ ဘုရင့်သမီးထံက ကာမ အလှုခံတဲ့အထိ ခေတ်စားလာခဲ့ပါတယ်။

    အေဒီ (၈၀၀) ခန့်မှာ အိန္ဒိယမှာရှိတဲ့ မဟာယန တွေဟာ တန္တရ မန္တရ အယူဝင် မဟာယနတွေသာ ဖြစ်တယ် လို့ ဦးစိန်ထွန်း (မာမက-သုတေသီ) က သူ့ရဲ့ကမ္ဘာပတ်၍ဘုရားရှာခြင်းစာအုပ်၊ စာမျက်နှာ(၂၆၈) မှာရေးသားထားပါတယ်။ ဒီ တန္တရ မန္တရ ဝဇီရယာန အယူဝါဒ ဟာ ဂေါတမဗုဒ္ဓကိုယ်တော်ရဲ့ တရားတော် အဆုံးအမတွေနဲ့ဖီလာဆန့်ကျင်နေရုံမက၊ ဂေါတမဗုဒ္ဓကိုယ်တော်ရဲ့ သာသနာကို အလွန်ဆိုးဆိုးရွားရွားဖျက်ဆီးတဲ့ အယူဝါဒသာဖြစ်ပါတယ်။ တန္တရမန္တရဝဇီရယာန အယူဝါဒကို မြန်မာနိုင်ငံ ပုဂံသမိုင်း မှာ အရည်းကြီးဝါဒ လို့လူသိများပါတယ်။

    ဆက်ရန်- သမိုင်းဟူသည် ဤသို့တည် [နာလန္ဒ နှင့် တက္ကသိုလ်ကြီးများ ထေရဝါဒလား?-နာလန္ဒ နှင့်တူရကီ]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: