နှစ်ပေါင်း ၂၀ ကျော်ကြာ ရပ်ဆိုင်းထားခဲ့သည့် လူရည်ချွန်ရွေးချယ်မှု ယခုနှစ်တွင် ပြန်လည်ပြုလုပ်

နှစ်ပေါင်း ၂၀ ကျော်ကြာ ရပ်ဆိုင်းထားခဲ့သည့် လူရည်ချွန်ရွေးချယ်မှု ယခုနှစ်တွင် ပြန်လည်ပြုလုပ် တစ်နိုင်ငံလုံး ခရိုင်အလိုက် ထူးချွန်ကျောင်းသား၊ ကျောင်းသူ ၅၁၀ အား လူရည်ချွန်အဖြစ် ရွေးချယ်ထား Eleven Media

2.27.1

၁၉၆၀ ကျော် ကာလက စစ်ကိုင်း ရွာသစ်ကြီးသို့ ရောက်ရှိလာသော လူရည်ချွန်မောင်မယ်များအား လုပ်သားပြည်သူမိဘများက ကြိုဆိုနေကြစဉ် (ဓာတ်ပုံ – ခေတ်ပြောင်းတော်လှန်ရေး ၁၉၆၂-၁၉၇၃)

အခြေခံပညာ ကျောင်းများ၌ နှစ်ပေါင်း ၂၀ ကျော်ကြာ ရပ်ဆိုင်းထားခဲ့သည့် လူရည်ချွန် ရွေးချယ်မှုအား ယခု ပညာသင်နှစ်တွင် စတင်၍ ပြန်လည်ပြုလုပ်ခဲ့ကြောင်း သိရှိရပါသည်။ အခြေခံပညာ ကဏ္ဍတွင် ခရိုင်အလိုက် ထူးချွန်ကျောင်းသား ၅၁၀ အား လူရည်ချွန်အဖြစ် ရွေးချယ်လိုက်ကြောင်း ပညာရေးဝန်ကြီး ဌာန၏ ထုတ်ပြန်ချက်အရ သိရှိရပါသည်။ ထိုသို့ ရွေးချယ်ရာ၌ အဌမတန်း၊ န၀မတန်းနှင့် ဒသမတန်းအဆင့် ကျောင်းသား၊ ကျောင်းသူများကိုသာ လက်ရှိအချိန်တွင် ရွေးချယ်ခဲ့ခြင်းဖြစ်ပြီး ၁၉၈၈ ခုနှစ်နောက်ပိုင်း နှစ်ပေါင်း ၂၀ ကျော်အကြာ၌ ယခုကဲ့သို့ ပညာရေးဝန်ကြီးဌာန အနေဖြင့် လူရည်ချွန်များကို တစ်ကျော့ပြန်အဖြစ် ပြန်လည်ရွေးချယ်မှုများ ပြုလုပ်ခဲ့ခြင်းလည်း ဖြစ်သည်။


လူရည်ချွန်တစ်ဦးအနေဖြင့် ကျောင်းစာပိုင်းတွင်သာမကဘဲ အားကစားစွမ်းရည်၊ ကာယစွမ်းရည်နှင့် အထွေထွေ ဗဟုသုတပိုင်းတွင်ပါ နှံ့စပ်ကျွမ်းကျင်ရန်လို . . .


 

“ဒီလိုမျိုး ဘက်စုံထူးချွန် လူရည်ချွန်တွေ ပေါ်ထွက်လာဖို့အတွက် စာမေးပွဲ စစ်ဆေးမှုတွေကိုတော့ ခရိုင်အလိုက် ပြုလုပ်ခဲ့တာ ဖြစ်ပါတယ်။ အခြေခံပညာ ဦးစီးဌာနအလိုက် တင်ပြလာတဲ့ ကျောင်းသား ကျောင်းသူတွေထဲကမှ ထူးချွန်သူတွေကို ရွေးချယ်ခဲ့တာ ဖြစ်ပါတယ်။ ရွေးချယ်ခံရတဲ့ ကျောင်းသား ကျောင်းသူတွေကို နွေရာသီ ပိတ်ရက်မှာ အပန်းဖြေခရီးစဉ်တွေကို စေလွှတ်ပေးဖို့လည်း ရှိပါတယ်။ အဲဒီ ခရီးစဉ်တွေကတစ်ဆင့် နေရာ၊ ဒေသ ကွဲပြားစွာ တွေ့ဆုံကြမယ့် ကျောင်းသား၊ ကျောင်းသူ အချင်းချင်း တစ်ဦးချင်းအလိုက် စွမ်းရည်ဆက်သွယ်မှု၊ တစ်နယ်နဲ့တစ်နယ် စုပေါင်းပြီး အမြင်ချင်း ဖလှယ်နိုင်မှုတွေ ရရှိစေမှာ ဖြစ်ပါတယ်” ဟု ပညာရေးဝန်ကြီးဌာန လူရည်ချွန် ရွေးချယ်ရေးအဖွဲ့မှ ဒေါ်ခင်မာထွေးက ပြောပြခဲ့သည်။

2.27.6

မြန်မာနိုင်ငံရှုခင်များကို လေ့လာကြည့်ရှုစဉ်

၂၀၁၂-၁၃ ပညာသင်နှစ်၌ စတင်၍ ယခုကဲ့သို့ တစ်နိုင်ငံလုံး အတိုင်းအတာဖြင့် ပြန်လည်ရွေးချယ်ခဲ့သည့် ဘက်စုံထူးချွန်သူ လူရည်ချွန်များ ရွေးချယ်ရာတွင် မြို့နယ်အရေအတွက် အနည်းအများ အလိုက် အချိုးကျ ရွေးချယ်ခြင်းဖြစ်ပြီး မြို့နယ်လေးမြို့နယ် အောက်ရှိသော ခရိုင်များ၌ အဋ္ဌမတန်း ကျောင်းသားတစ်ဦး၊ န၀မတန်းနှင့် ဒသမတန်း ကျောင်းသားနှစ်ဦးစီ၊ မြို့နယ်လေးမြို့နယ် အထက်ရှိသော ခရိုင်များ၌ အဋ္ဌမတန်း ကျောင်းသားနှစ်ဦး၊ န၀မတန်းနှင့် ဒသမတန်းကျောင်းသား လေးဦးစီ ရွေးချယ်ခဲ့ခြင်း ဖြစ်သည်။

“လူရည်ချွန် ကျောင်းသား၊ ကျောင်းသူတွေကို မြို့နယ်အဆင့် စာမေးပွဲ၊ ခရိုင်အဆင့် စာမေးပွဲတွေ အဆင့်ဆင့် စစ်ဆေးပြီးမှ လူရည်ချွန် ကျောင်းသားတွေအဖြစ် ရွေးချယ်ခဲ့တာ ဖြစ်ပါတယ်။ အရင်ကလည်း လူရည်ချွန် ကျောင်းသားတွေ ရွေးချယ်ခဲ့ဖူးပါတယ်။ အခု၂၀၁၂-၁၃ ပညာ သင်နှစ်မှာတော့ ဘက်စုံထူးချွန် လူရည်ချွန်တွေကို တစ်နိုင်ငံလုံး အတိုင်းအတာ အနေနဲ့ ပြန်လည်ရွေးချယ်ခဲ့တာ ဖြစ်ပါတယ်” ဟု အမှတ် (၃) အခြေခံပညာ ဦးစီးဌာနမှ တာဝန်ရှိသူ တစ်ဦးက ပြောပြခဲ့သည်။

ထိုသို့ရွေးချယ်ရာ၌ ကျောင်းအသီးသီးရှိ အောက်တိုဘာလစစ် ပထမနှစ်ဝက် စာမေးပွဲတွင် အမှတ် အများဆုံးရသည့် ကျောင်းသူ၊ ကျောင်းသားများအား မြို့နယ်ဘက်စုံထူးချွန် ဖြေဆိုခွင့်ပေးပြီး မြို့နယ်တွင် အမှတ်အများဆုံး ရသည့်သူ နှစ်ဦးကို ခရိုင်အဆင့် ဘက်စုံထူးချွန် စာမေးပွဲ ဖြေဆိုစေကာ လူရည်ချွန်အဖြစ် ရွေးချယ်ခြင်း ဖြစ်ကြောင်း သိရသည်။ ယင်းကဲ့သို့ ဖြေဆိုရာတွင် ရေးဖြေ၊ နှုတ်ဖြေနှင့် ကာယပြိုင်ပွဲများ စီစဉ်ပြီး ဖြေဆိုစေခြင်း ဖြစ်ကြောင်း သိရှိရသည်။

အထက (၁) ဒဂုံမှ ကျောင်းအုပ်ဆရာကြီး ဒေါက်တာအောင်ကိုကိုက “၂၀၁၂ နိုဝင်ဘာလက ခရိုင်အဆင့် စာမေးပွဲတွေ ပြုလုပ်ခဲ့ကြပါတယ်။ အဲဒီကနေ ထွက်ရှိလာတဲ့ ဘက်စုံထူးချွန် ကလေးတွေကို နွေရာသီမှာ အပန်းဖြေခရီး ပို့ပေးပါမယ်။ ရှစ်တန်းက ပုဂံ၊ ကိုးတန်းက တောင်ကြီး၊ အင်းလေးနဲ့ ၁၀ တန်းက ချောင်းသာ၊ ငွေဆောင် ဖြစ်ပါတယ်” ဟု ပြောကြားခဲ့သည်။

အဆိုပါ ဘက်စုံထူးချွန် လူရည်ချွန်အဖြစ် ရွေးချယ်ရာတွင် မြန်မာစာ၊ အင်္ဂလိပ်စာ၊ အထွေထွေဗဟုသုတ၊ ကျန်းမာကြံ့ခိုင်မှုများအား ၂၀၁၂ ခုနှစ် ဒီဇင်ဘာလအတွင်း၌ မြို့နယ်အဆင့် စာမေးပွဲနှင့် ၂၀၁၃ ခုနှစ် ဇန်န၀ါရီလ အတွင်း၌ ခရိုင်အဆင့် စာမေးပွဲများဖြင့် စစ်ဆေးရွေးချယ်ခဲ့ခြင်း ဖြစ်ကြောင်း သိရှိရသည်။

2.27.10

အင်းလေးခေါင်တိုင်စခန်းတွင် ဖွင့်လှစ်သည့် လူရည်ချွန်အပန်းဖြေစခန်း၌ ထိုစဉ်က ရှမ်းပြည်နယ် ဥက္ကဋ္ဌက အမှာစကားပြောကြားနေစဉ် (ဓာတ်ပုံ – စွယ်စုံကျမ်းနှစ်ချုပ်)

ဘက်စုံထူးချွန် လူရည်ချွန် ကျောင်းသား ကျောင်းသူများအတွက် စုပေါင်းစခန်းအား နေပြည်တော်တွင် ထားရှိသွားမည်ဖြစ်ပြီး နွေရာသီ အပန်းဖြေခရီးနှင့် လေ့လာရေး ခရီးစဉ်များအား ဧပြီလတွင် စတင်စေလွှတ်နိုင်ရန် စီစဉ်ထားကြောင်း သိရှိရသည်။ အဆိုပါ လူရည်ချွန်များထဲမှ ထူးချွန်သူများအား ထပ်မံရွေးချယ်ကာ ပြည်ပနိုင်ငံများသို့ လေ့လာရေး ခရီးစဉ်များ စေလွှတ်ရန် စီစဉ်ထားကြောင်းလည်း သိရှိရသည်။

ယခင်က လူရည်ချွန်အဖြစ် ရွေးချယ်ခံရရန် မလွယ်ကူကြောင်းနှင့် ရပ်ဆိုင်းထားခဲ့သည့် လူရည်ချွန် စီမံကိန်းကို ပြန်လည် အကောင်အထည်ဖော်နေသည့် အတွက်လည်း လူရည်ချွန်ဟောင်းများ အနေဖြင့် ကြိုဆိုကြောင်း နယ်ပယ် အသီးသီးမှ လူရည်ချွန် ရရှိခဲ့ဖူးသူများ၏ ပြောကြားချက်အရ သိရသည်။

၁၉၇၄၊ ၁၉၇၅၊ ၁၉၇၆၊ ၁၉၇၇ နှင့် ၁၉၈၀ ခုနှစ်များတွင် လူရည်ချွန်ဆု ရရှိခဲ့သည့် မြန်မာနိုင်ငံ စစ်တုရင်အဖွဲ့ချုပ် ဥက္ကဋ္ဌ ဦးမောင်မောင်လွင်က “အရင်က လူရည်ချွန်ဆု ဖြေဆိုခွင့်က ကျောင်းအဆင့် တန်းခွဲအားလုံးမှာ အဆင့် ၁ ကနေ ၁၀ အတွင်းရရင် မြို့နယ်အဆင့်မှာ ဖြေဆိုခွင့်ရတယ်။ ခုနစ်တန်းကနေ ၁၀ တန်းအထိ ဖြေဆိုခွင့်ရတယ်။ မြို့နယ်အဆင့် စာမေးပွဲမှာ မြန်မာစာ၊ သချာင်္၊ အထွေထွေ ဗဟုသုတ ရေးဖြေ ဖြေရတယ်။ နှုတ်ဖြေ ဖြေရတယ်။ ပြီးရင် အားကစား လေးမျိုးထဲက တစ်မျိုးကို မဖြစ်မနေ ယှဉ်ပြိုင်ရတယ်။ အဲဒါတွေ ယှဉ်ပြိုင်ပြီးမှ ရေးဖြေအမှတ်၊ နှုတ်ဖြေအမှတ်နဲ့ ကြံ့ခိုင်မှု စွမ်းရည်အမှတ်ဆိုပြီး အသီးသီး အမှတ်တွေရတယ်။ နောက်တစ်ခုက ပတ်ဝန်းကျင် အသင်းအဖွဲ့ လှုပ်ရှားမှု အမှတ်တွေပါ ရရှိဖို့အတွက် လူမှုရေး ကိစ္စတွေမှာ ပါဝင်ရတယ်။ ဥပမာ-ကျောင်းကောင်စီ၊ ကြက်ခြေနီစတဲ့ အသင်းတွေမှာ ပါဝင်မှုတွေ၊ အားကစား အဖွဲ့တွေမှာ ပါဝင်မှုတွေ စတာတွေ အပေါ်မူတည်ပြီး အမှတ်ပေးတယ်။ အဲဒါတွေအားလုံး ပေါင်းပြီးရတဲ့ အမှတ် အများဆုံး သူတွေက ခရိုင်အဆင့် ဖြေခွင့်ရတယ်။ ခရိုင်မှာလည်း အလားတူ ထပ်မံဖြေဆို ယှဉ်ပြိုင်ရတယ်။ ခရိုင်မှာ ဖြေဆိုတဲ့သူတွေ အားလုံးထဲကနေမှ ဗဟိုအဆင့်ဖြစ်တဲ့ ပညာရေး ၀န်ကြီးဌာနကနေ ရွေးချယ်ပြီး လူရည်ချွန်ဆု ချီးမြှင့်တာ ဖြစ်ပါတယ်။ ဆုရရှိတဲ့ သူတွေကို အပန်းဖြေခရီးတွေ လွှတ်တာရှိတယ်။ သုံးနှစ်ဆက်တိုက် လူရည်ချွန်ဖြစ်တဲ့ သူတွေကို တက္ကသိုလ် ပညာသင်ဆုဆိုပြီး ပေးတယ်။ တစ်လကို ၇၅ ကျပ် ပေးတယ်။ တက္ကသိုလ်မှာ ကျောင်းလခက တစ်လကို ၁၅ ကျပ်၊ အဆောင်စရိတ်က ၅၇ ကျပ် စုစုပေါင်း ၇၂ ကျပ်ပဲ ပေးရလို့ ကျောင်းနေဖို့ လုံလောက်တယ်။ လူရည်ချွန်ဖြစ်တဲ့ သူတွေထဲက သူငယ်ချင်း အတော်များများက နိုင်ငံခြား ရောက်နေကြတယ်။ လက်ရှိ ကျန်းမာရေးဝန်ကြီး ဒေါက်တာဖေသက်ခင်လည်း လူရည်ချွန်ပဲ။ တခြားနယ်ပယ်တွေမှာလည်း လူရည်ချွန် ဖြစ်ခဲ့ဖူးသူတွေ ရှိတယ်။ စာပေနယ်ပယ်မှာလည်း ဒေါက်တာသန်းထွဋ်အောင်လည်း လူရည်ချွန်ပဲ၊ ကွယ်လွန်သွားတဲ့ ဒေါက်တာနေ၀င်းမောင်လည်း လူရည်ချွန်ပဲ” ဟု ပြောကြားခဲ့သည်။

2.27.1

လူရည်ချွန်စခန်းတစ်ခုဖြစ်သော ပွဲကောက်လူငယ်စခန်း

လူရည်ချွန်တစ်ဦး အနေဖြင့် ကျောင်းစာပိုင်းတွင်သာ မကဘဲ အားကစားစွမ်းရည်၊ ကာယစွမ်းရည်နှင့် အထွေထွေ ဗဟုသုတပိုင်းတွင်ပါ နှံ့စပ်ကျွမ်းကျင်ရန် လိုအပ်ကြောင်း သိရှိရပါသည်။

၁၉၆၆၊ ၁၉၆၇၊ ၁၉၆၈၊ ၁၉၆၉ ခုနှစ်များတွင် လူရည်ချွန်ဆုများ ရရှိခဲ့သူ မြန်မာရေနံနှင့် သဘာဝဓာတ်ငွေ့လုပ်ငန်း အငြိမ်းစား သုတေသန အရာရှိချုပ် ဦးအောင်ကြည်ဝင်း ကလည်း “အားကစားစွမ်းရည်၊ ကာယစွမ်းရည်၊ အထွေထွေ ဗဟုသုတ၊ လူမှုရေးလုပ်ငန်း ဆောင်ရွက်မှုတွေ အပေါ်မှာလည်း မူတည်ပြီး အမှတ်ပေးတယ်။ ဥပမာ- ကြက်ခြေနီ၊ ကျောင်းသားခေါင်းဆောင် စတဲ့သူတွေဆို အမှတ်ပိုရတယ်။ အရင်က လူရည်ချွန်ဖြစ်ဖို့က တော်တော် အားထုတ်ကြိုးစားမှ ဖြစ်တယ်။ ကျောင်းအဆင့် ပထမ၊ တစ်မြို့နယ်လုံး ပထမ၊ ပြီးရင် ခရိုင်အဆင့် ပထမ၊ အဲဒါတွေရရှိမှ လူရည်ချွန်ဖြစ်တယ်။ ခရိုင်အရည်အတွက် ရှိသလောက်ပဲ လူရည်ချွန် အရေအတွက် ရှိတယ်။ တက္ကသိုလ်မှာဆို တစ်နှစ်မှာ တက္ကသိုလ် တစ်ခုလုံးမှာ မေဂျာတစ်ခုမှာ တစ်ယောက်ရွေးတယ်။ လူရည်ချွန် စရွေးတဲ့ဟာက ၁၉၆၄ ခုနှစ် မှာ စရွေးတယ်။ အဲဒီစနစ်ကို ဒေါက်တာညီညီက စတယ်လို့ သိရတယ်။ အရေးအခင်း မတိုင်ခင် ရပ်သွားတယ်” ဟု ပြောကြားခဲ့သည်။

လူရည်ချွန် ရွေးချယ်ဆုချီးမြှင့်မှု စီမံကိန်းကို တော်လှန်ရေးကောင်စီခေတ် ၁၉၆၄ ခုနှစ်တွင် စတင်အကောင်အထည် ဖော်ခဲ့ခြင်းဖြစ်ပြီး ယင်းစီမံကိန်းအရ လူရည်ချွန်များကို ရွေးချယ်ရာတွင် ကျောင်းအဆင့်တွင် ဥာဏဗလနှင့် ဖွံ့ဖြိုးရေးတို့ကို အမှတ်ပေး စိစစ်ကာ ဖွံ့ဖြိုးရေးတွင် ပညာရေးလက်တွေ့ ဖွံ့ဖြိုးမှု လုပ်ငန်းများ၊ ကျောင်းကောင်စီ လုပ်ငန်းများ၊ အခြားအသင်း အဖွဲ့များတွင် ခေါင်းဆောင်မှု၊ ၀တ်စားဆင်ယင်မှု၊ ကျောင်းတက်မှန်ကန်မှု၊ ကျောင်းတွင်းဖွံ့ဖြိုးရေး ဆောင်ရွက်မှု ကြံ့ခိုင်စွမ်းရည်တို့ကို အသေးစိတ် စိစစ်ကြောင်း သိရသည်။ မြို့နယ်နှင့် ပြည်နယ်/တိုင်း အဆင့်တွင် စာတွေ့စစ်ဆေးခြင်းနှင့် ဖွံ့ဖြိုးရေးအတွက် ကာယဗလ၊ အခြားဖွံ့ဖြိုးမှုနှင့် လက်တွေ့နှုတ်ဖြေတို့တွင် အမှတ်စနစ်ဖြင့် ယှဉ်ပြိုင်ရခြင်း ဖြစ်ကြောင်း သိရှိရပါသည်။

လူရည်ချွန်ဆုရရှိဖူးသည့် နယ်ပယ်အသီးသီးမှ ထင်ရှားသူအချို့

– ဆရာတော် အရှင်ဆန္ဒာဓိက

– ဒေါက်တာဖေသက်ခင် (ပြည်ထောင်စုဝန်ကြီး၊ ကျန်းမာရေး ၀န်ကြီးဌာန)

– ဒေါက်တာမြအေး (ပြည်ထောင်စုဝန်ကြီး၊ ပညာရေးဝန်ကြီးဌာန)

– ဒေါက်တာသန်းထွဋ်အောင် (CEO, Eleven Media Group)

– ဒေါက်တာနေ၀င်းမောင် (ကွယ်လွန်) (The Voice,Living Color) တည်ထောင်သူ

– ဒုတိယဗိုလ်ချုပ်ကြီးရဲမြင့် (ငြိမ်း)

– ဒေါက်တာခင်မောင်ဝင်း (အသည်း အထူးကု ဆရာဝန်ကြီး)

– ဦးမောင်မောင်လွင် (စစ်တုရင်အဖွဲ့ချုပ်ဥက္ကဋ္ဌ)

– ဒေါက်တာချယ်ရီ သန်းသန်းတင် (သားဖွားနှင့်မီးယပ်အထူးကု)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: