ဆိုရှယ်လစ်ပါတီရဲ့ အောင်မြင် အကျိုးပြုခဲ့တဲ့လူရည်ချွန်စီမံကိန်း

Dr. Nay Oo wrote in Luye Chun Group, အလဲဗင်းထဲက ကွန်မင့်န်တစ်ခုပါ …

“ဆိုရှယ်လစ်ပါတီရဲ့ အောင်မြင်ခဲ့တဲ့၊
အကျိုးပြုခဲ့တဲ့ စီမံကိန်းတွေရှိတယ်ဆိုရင်
လူရည်ချွန်စီမံကိန်းက ပထမ ပဲတဲ့ … ”

(ကိုအောင်အောင်ဆိုတဲ့ တစ်ယောက် ရေးထားတာ ဖတ်မိပါတယ်)

Thuza Shein ဆရာကြီးဒေါက်တာညီညီနဲ့ တွေ့တုန်းကလည်း သူလုပ်ခဲ့တဲ့ ဒီလူရည်ချွန်စီမံကိန်းဟာ အောင်မြင်တဲ့ လုပ်ငန်းတစ်ခုဖြစ်ခဲ့ပါတယ်တဲ့။ ဘာလို့လဲဆိုတော့ တော်တဲ့ ကလေးတွေကို ချီးမြှင့်ပေးရင် ကလေးတွေက သူတို့ကို အသိအမှတ်ပြုတဲ့အတွက် ပိုကြိုးစားချင်စိတ်ဖြစ်လာတယ်။တခြားကလေးတွေကလဲ သူတို့ရဲ့ အတွေ့အကြုံတွေကြားရတဲ့အခါ အားကျပြီးတော့ နောက်တစ်ခါမှာ သူတို့လဲ လူရည်ချွန်အရွေးခံရအောင် ပိုကြိုးစားလာကြတယ်လို့ ပြောသွားပါတယ်။
Myo Thet Oo Socialist party had youth plan. They seeded the ideas of socialism but failed. Military guys did’t have any youth plan. They just sell own country.
eleven မှ မှတ်ချက်-
အခု လူရည်ချွန်ချာတိတ်တွေ ဘယ်လိုရွေးသလဲ မသိ။ အရင်ကတော့ အိမ်က အမျိုးအရင်းကြီးတွေ လူရည်ချွန်အတွက် နေ့စဉ်သတင်းစာတွေကို လိုအပ်မယ်လို့ ထင်တဲ့ အရာတွေ တစ်နှစ်ပါတ်လုံး ကပ်ကြေးနဲ့ ကိုက်၊ ဖိုင်လ်တွဲပြီး ဖတ်ရ၊ ကျက်ရ၊ မှတ်ရပါတယ်။ ပါတီကောင်စီခေတ်လို့ ပြောပေမယ့် သိသင့်သိထိုက်တဲ့ ဗဟုသုတတွေကို ကြေးမုံ၊ မြန်မာ့အလင်းတွေထဲက ရှာရ၊ ဖွေရ ပါတယ်။ နောက်ပြီးတော့ လူရည်ချွန်မဖြေခင် သုံးလ၊လေးလ လောက် အလိုမှာ အလျားခုန်၊ မီတာ ၁၀၀၊ မီတာ ၈၀၀၊ ဒိုက်ထိုး စတဲ့ အားကစားကို မိဘနှစ်ပါးက စံချိန်မှတ်စက်နဲ့ မနက်ခင်းတိုင်း သေသေချာချာ လေ့ကျင့်ကြရပါတယ်။ မြန်မာစကားပုံ၊ စာစီစာကုံး၊ နိုင်ငံတကာ ဗဟုသုတ အဘက်ဘက်က တော်ရ၊ သိရပါတယ်။ စာချည်းဘဲ တော်တဲ့သူ မရွေးပါ။ အတန်းစာ အသင့်အတင့်၊ ပြင်ပဗဟုသုတကောင်း၊ အားကစားသင့်၊ ပေါင်းသင်းဆက်ဆံရေးကောင်း ဆိုရင် ပါဖို့ ရာခိုင်နှုန်း များပါတယ်။ ဒီလောက်လေ့ကျင့်ပြီးသွားဖြေတာတောင်မှ ပြန်လာကြရင် ရင်wထိပ်ထိပ်နဲ့ အဖြေကိုစောင့်ရတာပါ။ ငိုပွဲကြီးတွေ ၀ှဲချီး ကျင်းပကြရတာပါ။ အခုကလေးတွေကိုလဲ ပညာရေးမှူး ကလေး၊ ဆရာမကြီး ကလေး၊ ဘာညာ ကွာစိ လုပ်မနေဘဲ သေသေချာချာ ရွေးရင် အလွန်ကောင်းပါတယ်။ အရင်လူရည်ချွန်က လူတွေ ဘယ်သူမှ ပေါက်လွှတ်ပဲစား ဖြစ်မသွားတာ လက်တွေ့ပါ။ ကောက်သင်းကောက် ရွေးထားတဲ့ ကလေးတွေကို ကျောင်းဆောင်ကြီးတွေထဲမှာ ပြစ်စလက်ခက် မပြစ်ထားဘဲ ဟိုတယ် (ကြယ်ငါးပွင့် မတတ်နိုင်တောင် အသင့်အတင့်ပေါ့)၊ သွားရေးလာရေး၊ အစားအသောက်ကအစ ပျံနေအောင် ကျွေးစေချင်တာဘဲ။ ဒါမျိုးကတော့ ကျုပ်တို့ အခွန်ဆောင်ထားရတဲ့ ပိုက်ဆံတွေ အကုန် ကုန်ရင် ကုန်ပစေ။ သုံးကြစမ်ပါ။ တကယ်တော်ရင် တကယ် မြှောက်စားတဲ့ ငါတို့ နိုင်ငံပါလားဆိုတဲ့ ချာတိတ်တွေ စိတ်ထဲ စွဲသွားရင် ကျုပ်တို့ နောင်ရေး စိတ်အေးရပြီ။
(ညိုမြ)
မိုးမခမှ သရော်စာ ၆-၄-၂၀၁၃ ဖွတ်ကလေး၊ ခိုနီနှင့် လူရည်ချွန် စီမံကိန်းအသစ်
အီကြာအော် ဧပြီ ၆၊ ၂၀၁၃
“တို့ ခက်သေးရွာမှာ လူရည်ချွန်တွေ ပြန်ရွေးနေပြီတဲ့ အွန်အွန်ရေ”အီကြာအော်က တစ်တစ်ခွခွ ရေးတတ်သော အပါတ်စဉ်တစ်တစ် ဂျာနယ်ကိုဖတ်ရင်း ဇနီးသည် ဒေါ်အွန်မေးကို လှမ်း၍ပြောလုိုက်သည်။
“အရှင်ဆန္ဒာဓိကလည်း လူရည်ချွန် ရဘူးတယ်၊ အပါတ်စဉ်
တစ်တစ်ဂျာနယ်ပိုင်ရှင် ဒေါက်တာသန်းထွဋ်အောင်ရော၊ မနှစ်က တို့ ယုန်ကန်ဆေးရုံကြီးမှာ နှလုံးသွေးကြောပိတ်လို့ ဆုံးပါးသွားတဲ့ အပါတ်စဉ် အသံဂျာနယ်ပိုင်ရှင်၊ အီးဂယက်က ဒေါက်တာနေ၀င်းမောင်ပါ လူရည်ချွန် ရဘူးသတဲ့ကွ”

“တခြားလူရည်ချွန်တွေ အောင်မြင်တိုင်း လုရည်ချွန်အားလုံး အောင်မြင်တယ် မထင်နဲ့၊ ကိုယ့်ကိုယ်ကို ကြည့်ပါလား”ဟု ဒေါ်အွန်မေးက ရွဲ့၍ပြောသည်တွင် ငယ်ငယ်က လူရည်ချွန် တစ်ခါရဘူးသော အီကြာအော်လည်း လူရည်ချွန်သတင်းကို ဖတ်၍ ငယ်မြူပန်ချင်နေသော သူ့၏စိတ်ကလေး ကြက်ပျောက်၊ ငှက်ပျောက် ပျောက်သွားရလေတော့သည်။
အလုပ်ရှားလှသော ခက်သေးရွာတွင် အများသူငါ ကဲ့သို့ပင် အီကြာအော်လည်း ဟိုယောင်ယောင်၊ သည်ယောင်ယောင်ဖြင့် အလုပ်က မရှိ၊ အသက်ကလည်း ၅၀ ထဲရောက်လာပြီးမို့ ဘ၀က စတောင် မစရသေး၊ ဆုံးကာက နီးလေပြီ။ ဒီကြားထဲ ခက်သေးရွာသားပီပီ မိန်းမလည်း ကြောက်ရသည်မို့ အကြောင်းရှိ၍ စကားနာထိုးလျှင် ငြိမ်၍ ခံရလေတော့သည်။

အီကြာအော်က အောင့်သက်သက်ဖြင့် ဖီလင်ငုပ်နေစဉ် တပည့်ကျော် ဖွတ်ကလေးက အသံသေး အသံကြောင်ဖြင့် အီကြာအော်၏ အိမ်အတွင်းသို့ ၀င်လာလေသည်။

“ခိုနီဖြစ်ဖို့ ကျွန်တော်ကြိုးစားမည်၊
မော်ဒယ်ဖြစ်ဖို့ ကျွန်တော် ကြိုးစားမည်”

“ဟေ့ကောင် မင်းအသံပြဲကြီးနဲ့ သန်းထွန်းလေး သီချင်းတော့ ပျက်ပါပြီကွာ”အီကြာအော်က ထုံးစံအတိုင်း တပည့် ဖွတ်ကလေးကို ဟောက်လိုက်သည်။

“ငါတို့ငယ်ငယ်တုန်းကဆိုရင်…..“လူရည်ချွန်ဖြစ်ဖို့ ကျွန်တော် ကြိုးစားမည်၊ ဆရာဝန်ဖြစ်ဖို့ ကျွန်တော်ကြိုးစားမည်” ဆိုတဲ့ သီချင်းကို ဆိုပြီး လူရည်ချွန်တွေ၊ ဆရာဝန်တွေကို အားကျကြတာလေကွာ”

“မင်းကျမှ ဘာဖြစ်လို့ ခရိုနီ (ခိုနီ)တွေ၊ မော်ဒယ်တွေ ဖြစ်ချင်ရတာလည်း”

“တလောကတော့ မင်းပဲ ခိုနီတွေ မကောင်းကြောင်း လာပြောနေပြီးတော့”
ဖွတ်ကလေးက ရယ်ကျဲကျဲလုပ်လျှက်

“အခု ခေတ်ပြာင်းသွားပြီလေ ဆရာအော်ရဲ့”
“လုရည်ချွန်တချုိ့တောင် ခိုနီတွေ ဖြစ်နေပြီဆိုတော့ သိပ်မကွာပါဘူး ဆရာရယ်”

“လူရည်ချွန်က တစ်နှစ်ကို ၅၀၀ တောင်ခေါ်တာ ခရိုနီက ရှားရှားပါးပါးဆိုတော့ ဆရာအော်ပဲ ရှားရင် တန်ဘိုးရှိတယ်လို့ ပြောဘူးသေးတယ် မဟုတ်လား”

ဖွတ်ကလေးက အီကြာအော်ကို သူ့စကားဖြင့်သူ ပြန်ချည်လိုက်သည်။
“ဟေ့ကောင်၊ ခိုနီနဲ့ လူရည်ချွန်ဆိုတာ.. ပြဒါးတစ်လမ်း၊ သံတစ်လမ်းပါကွာ”

သူပါရောပြီး နံမည်ပျက်မည် ကြောက်သဖြင့် အီကြာအော်က ကြောက်အကန် ငြင်းတော့သည်။

“သေပါတာ့ကွာ ခက်သေးရွာ တစ်ရွာလုံး ခိုနီတွေ ဖြစ်ကုန်လို့ကတော့ တစ်ရွာလုံး သောက်စရာ ရေမရှိ၊ ပြေးစရာမြေမရှိ ဖြစ်ကုန်မှာပေါ့”

“အခု ခက်သေးရွာထဲမှာ ကလေးတွေက ဆရာဝန်လုပ်တမ်းး မကစားကြတော့ဘူး၊
ခိုနီလုပ်တမ်း၊ မော်ဒယ်လုပ်တမ်းပဲ ကစားကြတော့တယ်”
“တနေ့ကတောင် ကျွန်တော့ညီ အငယ်ဆုံးကြွက်နီက ငိုပြီး လာတိုင်လို့”
“ပြောစမ်းပါဦးကွ”
“ကြွက်နီပေါ့၊ သူ့သူငယ်ချင်းတွေနဲ့ ကစားကြတာ သူ့ကို တစ်ခါလာလည်း လယ်သမား လုပ်ခိုင်းလိုက်၊ အလုပ်သမား လုပ်ခိုင်းလိုက်နဲ့၊ တစ်ခါမှ ခိုနီပေးမလုပ်လို့လေ”

“အေးလေ၊ ကလေးတွေက အတုမြင် အတတ်သင်ကိုးကွ”
“ဟုတ်ပါ့ ဆရာအော်ရေ၊ ပြိုင်ကား အသစ်ကြီးတွေစီးပြပြီး ကြွားပြလိုက်၊
ကိုယ်ပိုင် လေယာဉ်ပျံကြီးတွေ ၀ယ်စီးပြလိုက်၊
ဘောလုံးအသင်းတွေ ထောင်ပြီး ဘောလုံးသမားတွေကို ဆုချပြလိုက်၊
ငွေဘယ်လောက်ရှုံးနိုင်လည်း အကြွားပြိုင်လိုက်၊
မော်ဒယ်လေးတွေ ခေါ်ပြီး ဒေါ်လာတွေ ဆုချပြလိုက်
ဆွယ်တာတစ်ထည်ကို သိန်း ၄၀၀၊ ၅၀၀ နဲ့ဝယ်ပြီး မျက်နှာ လုပ်လိုက်နဲ့ ခုခေတ်ကလေးတွေက တော်တော်ခေတ်မှီတယ်”
“အင်း၊ မင်း ခေတ်မှီတာတွေကလည်းကွာ ရင်လေးစရာပဲ၊ ကလေးတွေက မဟုတ်တာတွေ၊ အလကား အချောင်ရတာတွေ အားကျကုန်ရင် ငါတို့ ခက်သေးရွာကို ဘယ်လို အဖတ်ဆယ်ကြမှာလည်း”
အီကြာအော်က သက်ပြင်းချလိုက်သည်။

“ဒီကလေးတွေခမျာ စိတ်ကူးပဲယဉ်နိုင်တာပါ ဆရာအော်ရယ်၊ ကျောင်းဆရာ၊ ဆရာမတွေကို လာဘ်မပေးနိုင်လို့ ကျောင်းသွားရင်တောင် မျက်နှာငယ်ရတဲ့ ကလေးတွေပါ”

“အေးလေ၊ ဟုတ်တော့ ဟုတ်သား”
“အခုခေတ်ကလေးတွေက ဆရာဝန်လည်း မလုပ်ချင်ကြတော့ဘူး”
ဖွတ်ကလေး၏ စကားကို အီကြာအော်က အံ့သြတကြီးဖြင့်….

“ဟေ၊ ဘာဖြစ်လို့လည်း၊ တို့ငယ်ငယ်ကဆိုရင် ဆရာဝန်ဖြစ်ချင်ကြတာ တစ်ပိုင်းသေနေကြတာ၊ ဆရာဝန်မဟုတ်တောင် ဆရာဝန်နဲ့ အမျိဲးတော်ချင်ကြတာကွ”

“ခေတ်ကမတူတော့ဘူး ဆရာအော်ရေ၊ တစ်နေ့က ကလေးတွေ ကစားနေတာ ဆရာဝန်လုပ်တန်း မကစားကြဘူးလား မေးတော့ ဘာပြောတယ်မှတ်လည်း”
“ပြောပါဦးကွ”
“ခုခေတ် ဆရာဝန်လုပ်စားရတာ မလွယ်ဘူးတဲ့၊ တစ်သက်လုံး စာတွေကို မျက်လုံး ပေါက်ထွက်မတတ်ဖတ်ရပြီး ဂျာနယ်တွေက တွယ်တာလည်း ခံရ၊ လုနာတွေကလည်း ထစ်ကနဲရှိရင် တရားစွဲမယ်၊ တိုင်မယ်ချည်းပဲတဲ့၊ ဆရာဝန်တွေကို ဆေးရုံဖွင့်ပြီး ခိုင်းစားတဲ့ ခိုနီပဲ လုပ်ချင်တယ် ပြောကြတာ”
“သေလိုက်ပါတော့ ဖွတ်ကလေးရာ၊ နောင်တစ်ခေတ်မှာ ခေါင်းဆောင်ဖြစ်မှာ ဒီလို ကလေးလေးတွေဆိုရင်တော့ ဆို့ ခက်သေးရွာတော့ သွားပါပြီ”
“ကိုအော်၊ ရှင် လေတွေချည်း ပေါမနေနဲ့၊

ကိုခိုနီနဲ့ တူတာဆိုလို့ ရှင့်မှာ ဗိုက်ရွှဲတာရယ်၊ လေပေါတာရယ်ပဲရှိတယ်”

ဇနီးသည် ဒေါ်အွန်မေး၏ သရော်မှုကို ထုံးစံအတိုင်းခံလိုက်ရသဖြင့် အီကြာအော်လည်း ရွှဲနေသော သူ့ဗိုက်ကို သူကြည့်ကာ
“အွန်အွန်ကတော့ လုပ်ပြီကွာ၊ သူ့ဖာသာနေတဲ့ ငါ့ဗိုက်တောင် အပြစ်မလွတ်ရဘူး”
“ရှင့် သူငယ်ချင်း လူရည်ချွန်ဟောင်း သူဌေးကိုခိုနီဆီမှာ ဒရိုင်ဘာ အလုပ်လေးဘာလေး သွားတောင်းပါဦးလား”
“မင်းကလည်းကွာ”
သူ့ဆရာ အခြေအနေမဟန်တော့ပြီကို သဘောပေါက်သော ဖွတ်ကလေးလည်း ဆိုလက်စ သီချင်းကို ဆက်ဆို၍ ယုန်ကန်ဆေးရုံကြီးဘက်သို့ ခြေဦး လှည့်လေတော့သတည်း။

“ခိုနီဖြစ်ဖို့ ကျွန်တော် ကြိုးစားမည်၊
မော်ဒယ်ဖြစ်ဖို့ ကျွန်တော် ကြိုးစားမည်…….
ခိုနီဖြစ်ဖို့ ကျွန်တော် ကြိုးစားမည်၊
မော်ဒယ်ဖြစ်ဖို့ ကျွန်တော် ကြိုးစားမည်………..”

အီကြာအော် ခမျာမှာတော့ မှန်ဘီရိုထဲတွင် အလှပြ ကြွားထားသော ဖုန်တက်နေသည့် လူရည်ချွန်တံဆိပ် အဟောင်းလေးကို အသာကလေးဖွက်ရန် ကြံစည်တော့လေသတည်း။

“သဗ္ဗေသတ္တာ ကမ္မသကာ”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: