အစွန်းရောက်သူများ (သို့) ကလေးဆိုးကြီးများ အုပ်ချုပ်သော နိုင်ငံတော်

ဧပြီ ၁၃ ၊ ၂၀၁၃ ဆောင်းပါးရှင်- မောင်သမာဓိ

မြန်မာနိုင်ငံတွင် ၁၉၇၄ နောက်ပိုင်း မြန်မာ့ဆိုရှယ်လစ် လမ်းစဉ်ပါတီ၏ ပါတီမူဝါဒ သဘော တရားများဖြစ်သော လူနှင့် ပတ်ဝန်းကျင်တို့၏ အညမည (အင်ညမင်ည) နှင့် မဇ္ဇိမ ပဋ္ဋိပတာ နည်း လမ်းတို့ကို တက္ကသိုလ်နှင့် ကောလိပ်တို့တွင် မသင်မနေရ ပြဌာန်းကာ ၁၅ နှစ်ခန့် သင်ကြားစေခဲ့ သော် လည်း လက်တွေ့တွင် နိုင်ငံရေး၊ စီးပွားရေး၊ လူမှုရေး၊ ဘာသာရေး စသည် ကဏ္ဍအသီးသီးတို့၌ အလယ်အလတ် လမ်းစဉ်ကို မကျင့်သုံးနှိုင်ဘဲ အစွန်းတဖက်ဖက်သို့ အလွန်အမင်း ရောက်နေသည် များကိုသာ ယနေ့တိုင် အံ့သြဘွယ် တွေ့ရှိနေရပါသည်။

မဆလ ပါတီ သဘောတရားများသည် ဗုဒ္ဓဝါဒနှင့် ဆိုရှယ်လစ်ဝါဒ တို့ကို ရောသမထားခြင်းသာ ဖြစ်၍ မြန်မာပြည်သူများ အတွက် အထူးအဆန်း မဟုတ်သော်လည်း လက်တွေ့တွင် မအောင်မြင်ခြင်း မှာ အုပ်ချုပ်သူ လူတန်းစားများ၏ အာဏာသုံးရပ် စလုံးကို အပိုင်ကိုင်ထားသော အာဏာရှင်ကို အလွန် အမင်း ကြောက်ရွံ့ရမှုနှင့် မှားသည်မှန်သည် မချင့် ချိန်နှိုင်ဘဲ အမိန့်အရ နိုင်ငံနှင့် ပြည်သူအပေါ် အမှား ကျူးလွန်မှုများကြောင့်၎င်း၊ ပြည်သူပြည်သားတို့၏ ယုံကြည်မှုကို မရနိုင် လောက်အောင် အစိုးရ၏ သိက္ခာမဲ့သော အစွန်းရောက် လုပ်ဆောင်ချက်၊ ရပ်တည်ချက် များကြောင့် ၎င်း၊ မြန်မာ့နည်းမြန်မာ့ဟန် ဆိုရှယ်လစ်နိုင်ငံတော်ကြီး ကျဆုံးခဲ့ရခြင်းဖြစ်သည်။ တနည်းအားဖြင့် တိုင်းပြည်တစ်ခု တိုးတက်ဖွံ့ဖြိုးရန် စနစ်ထက် လူသားသိက္ခာက ပိုမိုအရေး ကြီးကြောင်း မြန်မာသမိုင်းက လက်တွေ့ပြသနေပါသည်။

ယနေ့အချိန်အခါတွင် အလားတူ အစွန်းရောက်ရပ်တည်ချက်များကြောင့် တိုး တက်ဖွံ့ဖြိုး၍ စည်းကမ်းပြည့်ဝသော ဒီမိုကရေစီနိုင်ငံတော်ကြီး မကျရှုံးစေရန် အတွက် ဥာဏ်မှီသမျှ ထောက်ပြ ဝေဖန် အကြံပေးလိုပါသည်။

ဘက်လိုက် အစွန်းရောက် ပြည်တွင်းမူဝါဒ။

မြန်မာနိုင်ငံသည် အာဏာရှင် ဦးနေဝင်းခေတ်မှသည် ယနေ့တိုင် နိုင်ငံတကာ ခေါင်းဆောင်များ နှင့် တွေ့ဆုံသည့် အခါတိုင်း မြန်မာ့ခေါင်းဆောင်များ ဂုဏ်ယူ၍ ပြောသော လက်သုံးစကားမှာ လွတ် လပ်၍ တက်ကြွသော ဘက်မလိုက် နိုင်ငံခြားရေးမူဝါဒကို ကျင့်သုံးသည်ဟူ၏။

ပြည်တွင်းမူဝါဒတွင် တဖက်စွန်းရောက်အောင် ဘက်လိုက်သည်ကို အထင်အရှား တွေ့နိုင် ပါ သည်။ တောင်ကုတ် ခရီးသွား ၁၀ ဦးကို အုပ်စုဖွဲ့သတ်ဖြတ်သော တရားခံများကို၎င်း၊ ရခိုင်၊ မိတ္ထီလာ နှင့် ပဲခူးတိုင်း အနောက်ခြမ်း ဘာသာရေး၊ လူမျိုးရေး အထိကရုံးများကို လှုံဆော်သူများနှင့် ကျူးလွန် သူ ဘာသာရေး အစွန်းရောက်များကို၎င်း၊ ယ္ခုတိုင် မဖေါ်ထုတ်ဘဲ ခုခံသူ မွတ်ဆလင်များကို တဖက်သတ် ဘက်လိုက်၍ ထောင် သွင်း အကျဉ်းချနေခြင်းတို့သည် မြန်မာနိုင်ငံတွင် တရားဥပဒေ စိုးမိုးမှု မရှိဘဲ အစွန်းရောက်နေသည်ကို မီးမောင်းထိုးပြသနေပါသည်။

ဥပဒေ မစိုးမိုး၍ နိုင်ငံရေး မတည်ငြိမ်သော တိုင်းပြည်သည် ဖွံ့ဖြိုးတိုးတက်ရန် မဖြစ်နိုင်ပါ။

အစွန်း နှစ်ဖက်ကို တလှည့်စီ ရောက်နေသော ပြန်ကြားရေးဝန်ကြီးဌာန။

အောက်စ်ဖို့ တက္ကသိုလ် အမည်ကို တည်းဖြတ် ပိတ်ပင်ခဲ့သော ပြန်ကြားရေး ဝန်ကြီးဌာနသည် ၂၀၀၈ ဖွဲ့ စည်းပုံနှင့် ဆန့်ကျင်သော လူမျိုးရေး ဘာသာရေး အထိကရုံးဖြစ်စေရန် လှုံ့ဆော် သော စာ ရွက်စာတမ်း၊ CD နှင့် VCD များကိုသာမက လူမျိုးရေး လှုံ့ဆော်သော ဂျာနယ်များကိုပင် လွတ်လပ်စွာ ဖြန့်ဝေ ခွင့် ပြုထားသောကြောင့် အစွန်း ၂ ဖက်ကို ရောက်လွန်းသည်။ ထို့ကြောင့် မြန်မာပြည်နိုင်ငံရေး သည် တည်ငြိမ်နိုင်စရာ အကြောင်းမရှိသည့်အပြင် လူမျိုးရေး၊ ဘာသာရေး ပဋ္ဋိပက္ခများ ဆက်လက် ဖြစ်ပေါ် နေဦးမည်သာ ဖြစ် သည်။

အဆုံးစွန် ငြင်းဆိုပြီး လိုအပ်လျှင် ပွဲထုတ်သော အစိုးရ အဖွဲ့။

မြန်မာနိုင်ငံတွင် နိုင်ငံရေး အကျဉ်းသား လုံးဝမရှိပါဟု နိုင်ငံတကာလှည့်ကာ ဇွတ်တရွတ် ဘူးကွယ်သော မြန်မာ အစိုးရ သည် နောက်ဆုံး နိုင်ငံရေး အကျဉ်းသားကို အဓိပ္ပါယ်ဖွင့်ဆိုသတ်မှတ်ရန် ကော်မတီ ဖွဲ့ပေးလိုက်ရုံမက ၈၈ မျိုး ဆက် ကျောင်းသား အဖွဲ့ကို စုံစမ်းစစ်ဆေးရေး ကော်မရှင် အသီးသီးတွင် အရာသွင်း ပွဲထုတ်လာသည် အထိ အရေးပေးလာကြ၏။

အိုင်ဒီယာချင်းတူသော ဇာဘုရင်၏ မိဖုရားနှင့် မြန်မာ သမ္မတ အကြံပေး။

ဇာဘုရင်၏ မိဖုရားက ပေါင်မုံ့စားရန်မရှိသော ပြည်သူများကို ကိတ်မုံ့စားရန် တိုက်တွန်း၏။

၂၄ နာရီ မီးလင်းရေး ဖယောင်းတိုင် ထွန်းကာ စီတန်းလှည့်လည်သည့် ဆန္ဒပြပွဲတွင် ပါဝင် သူများ သည် ဖယောင်းတိုင်များကို ဆန္ဒပြရာတွင်ထွန်းမည့်အစား မိမိတို့အိမ်တွင် လျှပ်စစ်မီးပြတ်ချိန် တွင် ထိုဖယောင်းတိုင်များကို အသုံးပြုထွန်းညှိခြင်းဖြင့် မီးမလာသည့် ပြသနာကို ဖြေရှင်းနိုင်ကြောင်း သမ္မတ အကြံပေး ဦးကိုကိုလှိုင်က ကမ္ဘာကျော် အကြံကိုပေး၏။ ထိုဖယောင်း တိုင်ဖြင့် ရေတင်လို့မရ၊ ထမင်း ချက်လို့မရသည်ကိုတော့ သမ္မတအကြံပေး တွက်ချက်မိပုံမပေါ်ပါ။

မြန်မာနိုင်ငံအနာဂတ် အတွက် အလွန်အရေးပါသော မြန်မာနိုင်ငံတွင် လက်ရှိဖြစ်ပေါ်နေသော ဘာသာရေး၊ လူမျိုးရေး ပဋိပက္ခများ ရပ်တန့်ရေး အတွက် သမ္မတကို အကြံပေး ရန်အတွက်ကိုမူ သမ္မတ အကြံပေးအဖွဲ့သည် လုံးဝ နှုပ်ဆိပ်နေကြ၏။

ဆင်းရဲမွဲတေမှု ပပျောက်ရေး ဝိုင်းဝန်းအငတ်ခံပေး။

ဆင်းရဲမွဲတေမှုကို တိုက်ဖျက်ရန် မူဝါဒများချမှတ်နေသော အစိုးရတရပ်၏ လယ်/ဆည် ဝန်ကြီး က တောင်သူလယ်သမားများကို အချိန်ကာလနှင့် ရက်အရေအတွက် သတ်မှတ်ချက် မပါသော ထမင်း တနပ် အငတ်ခံရန် တိုက်တွန်းအကြံပြု၏။ ပြည်သူလူထု ကြွယ်ဝစေရမည်ဟု အာမခံသည်နှင့် တပြိုင် နက် အငတ်ခံခိုင်း၏။

အစွန်းရောက်၊ အငြင်းသန် ရခိုင်မျိုးချစ်ခေါင်းဆောင်များ။

(က) ရခိုင်ဒေသကို မတည်ငြိမ်သော အရှေ့အလယ်ပိုင်း ပါလက်စတိုင်း ဒေသကဲ့သို့ မဖြစ် စေလိုသည့် ရခိုင်စာပေနှင့် ယဉ်ကျေးမှုအသင်း ဥက္ကဌ ဒေါ်စောခင်တင့်၏ ဟီလာရီ ကလင်ထံ ပေးစာ ကြောင့် နိုင်ငံတကာ အလယ်တွင် ရခိုင်လူမျိုးများကို နာဇီလက်သစ် အသွင် မြင်စေမည့် လူမျိုးပြုန်း သတ်ဖြတ်မှုများ၊ လူ့အခွင့်အရေးချိူးဖေါက်မှုများနှင့် လူမျိုးရေး ဘာသာရေး အကြမ်းဖက်မှုများ ကို ရခိုင်ဒေသတွင် ဖြစ်ပေါ်စေခဲ့ပါသည်။

ရခိုင်ခေါင်းဆောင်များပြောသော ရခိုင်အမျိုးသားရေး လှုပ်ရှားမှုများသည် လက်တွေ့တွင် ရခိုင်ပြည်၏ စီးပွားရေးဘဝများကို ပျက်စီးစေရုံမက ရခိုင် အမျိုးသားများကို ဆင်းရဲတွင်း နက်စေ ခဲ့သည်။

(ခ) မြန်မာနိုင်ငံတွင် ရိုဟင်ဂျာ မရှိပါဟု ဇွတ်ငြင်းသော အစွန်းရောက် RNDP ဒေါက်တာ အေးမောင်နှင့် သမိုင်းဆရာ ဒေါက်တာအေးချမ်းတို့သည် ဘူချနမ် သမိုင်းစာအုပ်တွင် ရေးသားထား သည့် ကိုယ်ပိုင်စာပေရှိသော မဟာမေဒင် ဘာသာဝင် ရိုဟင်ဂျာလူမျိုး အမည်သည် ဗုဒ္ဓ ဘာသာဝင် ရခိုင်များကို ခေါ်ခြင်းဖြစ်သည်ဟု အတင်းအဓမ္မ အရှက်မရှိ ပြောနေကြပါပြီ။ တနည်းအားဖြင့် ညောင် မြစ်တူးလို့ ပုတ်သင်ဥပေါ်ဆိုသလို သမိုင်းအထောက်အထား အခိုင်အမာဖြစ်လာသော ရိုဟင်ဂျာတို့၏ (Identity) ကို ရခိုင်တို့ လုယူနေကြပြီ။

သို့ဆိုလျှင် ၎င်းတို့နှစ်ဦး သည် များမကြာမှီ မိုဟာမက် အေးမောင်နှင့် မိုဟာမက် အေးချမ်းဟု နာမည်ပြောင်းရန် အလားအလာရှိ၍ ဘက်မလိုက်မီဒီယာများ စောင့်ကြည့်ရန် အထူးလိုအပ်ပါသည်။

လက်ဝဲရော လင်္ကျာပါ ယိမ်းသည့် လဝက ဝန်ကြီး ဦးခင်ရီ၊

ရိုဟင်ဂျာများသည် တရားမဝင် ခိုးဝင်သူများဖြစ်သည်ဟု ထုတ်ဖေါ်ပြောဆိုခဲ့သော လ.ဝ.က ဝန်ကြီး ဦးခင်ရီသည် ကုလသမဂ္ဂမှ ဝင်ရောက် စစ်ဆေးမည့် အစီအစဉ်ကို ဟန့်တားလိုသောအခါ ရခိုင်နှင့် ရိုဟင်ဂျာ ပဋ္ဋိက္ခသည် နှစ်ပေါင်းကြာရှည်စွာ တအိမ်တည်း အတူနေသော ညီအစ်ကိုများ၏ ရန်ပွဲသာဖြစ်သည်ဟု ပြောပြန်ပါသည်။

သွေးနှင့်ဆုံးဖြတ်သည်ဆိုသော ၁၉၈၂ နိုင်ငံသားပြုမှု ဥပဒေ အရ ရခိုင်တို့နှင့် ညီအစ်ကို တော်သော ရိုဟင်ဂျာတို့သည် အလိုအလျှောက် နိုင်ငံသား ဖြစ်ရန်သာရှိ၏။

အစွန်း ၂ ဖက်သို့ရောက်လွန်းသော နိုင်ငံတော်သမ္မတ၏ စီမံခန့်ခွဲမှု။

(က) မုံရွာ လက်ပံတောင်းတောင်တွင် ငြိမ်းချမ်းစွာ ဆန္ဒပြနေကြသော လက်နက်မဲ့ ရဟန်း သံဃာများကို မီးလောင်ဒဏ်ရာများ ရစေသည်အထိ မြို့ပြအုပ်ချုပ်ရေးကို အသုံးပြု ဖြိုခွင်းစေခဲ့သော သမ္မတသည် မိတ္ထီလာမြို့ တွင် ၃ ရက်တိုင်တိုင် အကြမ်းဖက်၊ လူသတ်၊ လုယက်၊ မီးရှို့နေသူများကို ဖြစ်ထွန်းစ ဒီမိုကရစီ ပျက်သုန်းသွားမှာ စိုးသောကြောင့် အင်အားသုံး၍ မဖြိုခွဲခြင်းဖြစ်သည်ဟု နိုင်ငံ အခြေပြ မိန့်ခွန်းတွင် ထည့်သွင်း ပြောကြားဝန့်၏။

(ခ) ရိုဟင်ဂျာများကို ခြံခတ်ထားပြီး တတိယနိုင်ငံသို့ပိုရန် ကုလသမဂ္ဂကို တောင်းဆိုခဲ့သော သမ္မတသည် ဧပြီလ ၉ ရက်နေ့က ကျင်းပသော ရခိုင်ပြည်နယ် အေးချမ်းရေးနှင့် ဖွံ့ဖြိုးမှု အကောင် အထည် ဖေါ်ဆောင်ရေး ကော်မတီ အစည်းအဝေး တွင် နှစ်ပေါင်း ရှည်ကြာစွာအတူ နေထိုင်လာခဲ့ကြသူများ ဖြစ် သည့်အတွက် ဆက်လက်၍ သူ့အကျိုး၊ ကိုယ့်အကျိုးကြည့်ရှုပြီးအေးချမ်း တည်ငြိမ် စွာ နေထိုင်သွား ကြရန်လိုကြောင်း၊ ဒုက္ခသည်များအတွက် လူနေအိမ်များကို သုံးလအတွင်း အပြီးဆောက်လုပ်နိုင်ရေး၊ အသက်မွေး ဝမ်းကျောင်း လုပ်ငန်များ ပြန်လည်ထူထောင်ပေးနိုင်ရေးတို့အတွက် လက်တွေ့ အကောင် အထည်ဖေါ် ဆောင်ရွက် ကြရန်ဖြစ်ကြောင်း ပြောပြန်ပါသည်။

နိုင်ငံနှင့် ပြည်သူအတွက် အမှားလုပ်မိသူများ တာဝန်သိသိနှုတ်ထွက်ပါ။

မြန်မာနိုင်ငံတွင် အားကိုးစရာဆိုလို့ သီလ၊ သမာဓိ၊ ပညာတို့နှင့် ပြည့်စုံသော ပြည်သူများနှင့် ၎င်းတို့ ပိုင်ဆိုင်သော လုပ်ပိုင်ခွင့် အာဏာ (Mandate) ပေးနိုင်သည့် ထောက်ခံမဲ များသာကျန်ပါသည်။

ကိုယ့်လုပ်ရပ်နှင့် ကိုယ့်နှုပ်ထွက်စကားများကို တာဝန်ယူရဲသော တင်းပြည့်ကျပ်ပြည့်၊ ဂုဏ် သရည်ရှိ၊ သိက္ခာရှိ လူကြီး လူကောင်းများကို ခေါင်းဆောင်အဖြစ် ရွေးချယ်မဲပေးခြင်းဖြင့်သာ အစွန်း တရားများမှ ရှောင်ရှား နိုင်ပြီး တိုင်းပြည်ကို အမှန်တကယ် တည်ငြိမ်စွာ ဖွံ့ဖြိုးတိုးတက်အောင် ပြည်သူ များအနေဖြင့် ဆောင်ကျဉ်း နိုင်မည်ဖြစ်ကြောင်း အကြံပြုရေးသားလိုက်ပါသည်။

မှတ်ချက်။ ။ လာမည့် ၂၀၁၅ ရွေးကောက်ပွဲတွင် ကလေးဆိုးကြီးများကို မဲမပေးမိစေရန် ဆန္ဒပြုလျှက်

ဆောင်းပါးရှင်၏ အာဘော်သာဖြစ်ပါသည်။

This entry was posted on April 14, 2013 at 7:02 am and is filed under Uncategorized. You can follow any responses to this entry through the RSS 2.0 feed. You can leave a response, or trackback from your own site.

Dr Ko Ko Gyi’s Blog