ကိုယ်စားလှယ်အဖွဲ့ လာခွင့်ပြုရေးအတွက် OIC မှ မြန်မာနိုင်ငံအား တိုက်တွန်း

ကိုယ်စားလှယ်အဖွဲ့ လာခွင့်ပြုရေးအတွက် OIC မှ မြန်မာနိုင်ငံအား တိုက်တွန်း ဧပြီ ၁၅၊ ၂၀၁၃ Source: AFP

မွတ်စ်လင်မ်တွေအပေါ် ဆိုးဆိုးရွားရွား အကြမ်းဖက်ခံရမှုနဲ့ ပတ်သက်ပြီး ၀န်ကြီးများပါဝင်တဲ့ ကိုယ်စားလှယ်အဖွဲ့တစ်ဖွဲ့ လာရောက် ခွင့်ပြုရေး အတွက် အစ္စလာမ့်ရေးရာ ပူးပေါင်းဆောင်ရွက်မှုအဖွဲ့ OIC မှ မြန်မာအာဏာပိုင်များကို ပြီးခဲ့တဲ့ တနင်္ဂနွေနေ့က တိုက်တွန်းလိုက်ပါတယ်။

ဆော်ဒီအာရေဗျနိုင်ငံ၊ ဂျစ်ဒဟ်မြို့မှာ ပြုလုပ်ခဲ့တဲ့ အဲ့ဒီ အစည်းအဝေးမှာ ကမ္ဘာ့ထိပ်တန်း အစ္စလာမ်ခေါင်းဆောင်များက အကြောင်းရင်း ရှာဖွေရေး မစ်ရှင်တစ်ရပ် မြန်မာနိုင်ငံကို စေလွှတ်ပေးဖို့လည်း ကုလသမဂ္ဂ လူ့အခွင့်အရေး ကော်မရှင်ဆီ တောင်းဆိုလိုက်ကြောင်း ကြေငြာထုတ်ပြန်ပါတယ်။

ယမန်နှစ်က ရခိုင်ပြည်နယ်မှာ ဖြစ်ပွားခဲ့တဲ့ ပြဿနာမှာ အနည်းဆုံး လူပေါင်း ၁၈၀ သေကြေပျက်စီးခဲ့ရပြီး ၊ လူနည်းစု လူ့အဖွဲ့အစည်းတစ်ရပ်ကို ဘင်္ဂလားဒေ့ရ်ှနိုင်ငံမှ တရားမ၀င် ခိုးဝင်လာသူအဖြစ် ရှုမြင်ကြသူများက အဲ့ဒီမွတ်စ်လင်မ်တွေအပေါ် ညှင်းပန်းနှိပ်စက်ခဲ့ကြပါတယ်။

ယခုနှစ် မတ်လအတွင်း မိတ္ထီလာပြဿနာမှာလည်း အနည်းဆုံး လူ ၄၃ ဦးသေဆုံးပြီး၊ မွတ်စ်လင်မ်တွေရဲ့အိုးအိမ်တွေ ဗလီဝတ်ကျောင်းတော်တွေ မီးရှို့ဖျက်ဆီးခံရပြန်ပါတယ်။

အဲ့ဒီမငြိမ်သက်မှုဟာ ဗုဒ္ဓဘာသာဝင်တွေနဲ့ မျိုးဆက်အလီလီ ချစ်ခင်ငြိမ်းချမ်းစွာ အတူယှဉ်တွဲနေထိုင်ခဲ့ကြတဲ့ ပြည်တွင်း မွတ်စ်လင်မ်ထုအတွင်း စိုးရိမ်မှုတွေ စိမ့်ဝင်သွားစေခဲ့ပါတယ်။

OIC အကြီးအကဲ Ekmeleddin Ihsanoglu က “ အာဏာပိုင်တွေဟာ ဘာသာရေး လူမျိုးရေးတင်းမာနေမှုများကို အပျက်သဘော ဆန်ဆန် ကိုင်တွယ်ခဲ့ကြောင်း ဒီလို လက်မခံနိုင်ဖွယ် အကြမ်းဖက်မှုက ထင်ထင်ရှားရှား ပြသနေပါတယ် ” လို့ ပြောဆိုခဲ့ပါတယ်။

ကမ္ဘာ့အဆိုးဝါးဆုံးနှိပ်စက်ညှင်းပန်းခံရသူလူနည်းစုအဖြစ် ကုလသမဂ္ဂမှ အသိအမှတ်ပြုလိုက်တဲ့ ရိုဟင်ဂျာတွေဟာ မြန်မာနိုင်ငံသားအဖြစ် ငြင်းပယ်ခံထားရတာ ကြာမြင့်ပြီ ဖြစ်ပေမယ့်လည်း၊ လတ်တစ်လော ပစ်မှတ်ထားခံနေရသူများကတော့ မြန်မာနိုင်ငံသားတွေ ဖြစ်နေပြန်ပါတယ်။

ပြီးခဲ့တဲ့လ မိတ္ထီလာ အကြမ်းဖက်မှုကြီးဟာ မွတ်စ်လင်မ်ရွှေ ဆိုင်ပိုင်ရှင်နဲ့ဗုဒ္ဓဘာသာဝင် ရွှေရောင်းလာသူ အကြားက ပြဿနာကနေ စတင်လာခြင်းသာ ဖြစ်တယ်။ သိပ်မကြာခင် ဘုန်းတော်ကြီးတစ်ပါးကို မွတ်စ်လင်မ်တွေ သတ်ဖြတ်လိုက်တယ်လို့ သတင်းထွက်လာတဲ့အခါ သွေးချောင်းစီးတဲ့ အကြမ်းဖက်မှုအဖြစ် ပေါ်ထွက်ပြောင်းလဲသွားတာပါဘဲ။

မြန်မာနိုင်ငံကို အရေးပေါ်လာရောက် ဆွေးနွေးကြမယ့်အဖွဲ့ကို OIC အဖွဲ့ဝင် ၅၇ နိုင်ငံထဲက – အာဖဂန်နစ္စတန်၊ ဆော်ဒီအာရေဗျ၊ ဘင်္ဂလားဒေ့ရှ်၊ ဘရူးနိုင်း၊  Djibouti ၊ အီဂျစ်၊ ယူအေအီး၊ အင်ဒိုနီးရှား၊ မလေးရှား၊ ဆူဒန် နဲ့ တူရကီ – ၁၁ နိုင်ငံမှ ကိုယ်စားလှယ်များနဲ့ စက်တင်ဘာလတုန်းက ဖွဲ့စည်းထားခဲ့တာဖြစ်တယ်။

Tags: Burma, Djibouti, Ekmeleddin İhsanoğlu, Jeddah, Muslim, Organisation of Islamic Cooperation, Rakhine State, Saudi Arabia