“လူငယ်လောက၊ တို့ လမ်းပြ မိုးဝ ဓူဝံ လူရည်ချွန်” အပိုင်း(၂)

By Tint Tint Kyi on Tuesday, April 17, 2012 at 3:31am

ဘ၀တာ နှင့် အမှတ်တရ အပိုင်း(၂) ဖြည့်စွက်ချက်

လေးလေး (စာရေးဆရာ လေးမြင့်) ၏ “ခရီးဆယ်နှစ်နှစ်လူရည်ချွန်” အတွက်ကူ ရသည့်အခါ ပထမဆုံး လူရည်ချွန်စခန်း အစီအစဉ်သက်ဝင်လှုပ်ရှားမှုကိုပြောခဲ့သည့်

“The Outstanding Student of Burma” မှာ ဖတ်ရသိရပါသည်။

စခန်းသိမ်းတော့

လူရည်ချွန် အဖွဲ့ စိတ် အဖွဲ့ စုအလိုက် ယှဉ်ပြိုင်မှု တွေမှာ ဆုတွေ ချီးမြှင့်ပေးခဲ့သလို

စခန်း မှာ တာဝန်ကျ များကို လည်း ကဏ္ဍ အလိုက်အကဲဖြတ် ကာဆုပေးမှုရှိသည်။

ကျွန်တော်တို့ တန်းမြင့်ကျောင်း က ကျောင်းဆရာမကြီး ဒေါ်သန်းညွန့် (B.A.,B.Ed.,

B.E.S) သည်  The Best Observer ဆုကို ရရှိကြောင်းမှတ်မိနေပါသည်။ ဖတ်ရှုရ၍

ဖြစ်ပါသည်။

မှတ်တမ်းစာအုပ်တွင် စခန်းအစီအစဉ် လှုပ်ရှားမှု ဓါတ်ပုံများလည်း ပါသည်။

ရှေ့ ဖုံးမှာ လူရည်ချွန် ကျောင်းသားကျောင်းသူ နှစ်ဦး ကမ်းခြေကျောက်ဆောင်ပေါ်တွင်

ပြုံး ပြုံး ရယ်ရယ်နှင့်ကျောက်ပုဇွန် ကြီးနှစ်ကောင်ကို ဆုပ်ကိုင်ထားပုံဖြစ်သည်။ ကျောင်း

သူ နှစ်ဦး ၀တ်ဆင်ထားသော ၀တ်စုံမှာ ရင်ဖုံးအကျီ င်္ပြာနုလက်စက၊ ထဘီအပြာရင့်

ဖြစ်သည်။ ဦးထုပ်ဖြူက သံပုရာခွံဦးထုပ်ဖြစ်သည်။ ရှေးဦးပိုင်း ဆောင်ရွက်စဉ်က

ဝတ်စုံမှာ ဘောင်းဘီ ရှည်၊ အကျီ င်္လက်ရှည် ၀တ်စုံ မှာလည်း ထိုအရောင် (၂) ရောင်ကို

သတ်မှတ်၍ ၀တ်ဆင်စေခဲ့သည်။ အနက်အဓိပ္ပါယ် မှာ လူငယ်တို့ သည်နုနုနယ်နယ်ပျို

မြစ်သည့်သဘော၊ Sky Blue အပြာနု နှင့် ထိုသဘောမှ အရွယ်ကြီး၊ ရင့်ကျက်သည့်

သဘော Dark Blue ကို ယူသည်ဟု မှတ်ဖူးပါသည်။ ( ရေတပ် Navy အရောင်လည်း

ဖြစ်နေပါသည်။) နောက်ကျောဖုံးမှာ အုန်းပင်တောထဲမှ စခန်းနှင့် လူရည်ချွန်များပုံ

ဟု မှတ်မိပါသည်။

စခန်း သတင်းစဉ်များ မှ ကဗျာ များကို ရွေးချယ် စုစည်းပုံ နှိပ်သည့်

‘လူရည်ချွန် ကဗျာစု’ အမည်နှင့် စာအုပ်တစ်အုပ် လည်း ၁၉၇၀ တွင်ဌာနက ထုတ်ခဲ့

ဖူးသည်ကို ရရှိခဲ့ဖူးပါသည်။ ထိုစဉ်က မြ၀တီတိုက်အယ်ဒီတာချုပ် ဆရာမင်းယုဝေ

ကရွေးချယ်တည်းဖြတ်စီစဉ်ပေးသည့် အမှာစာ နှင့် အတူ ဖတ်ခဲ့ရပါသည်။

အစောပိုင်းနှစ်အချို့ တွင် လူရည်ချွန် စခန်းအစီအစဉ်လှုပ်ရှားမှု ဓါတ်ပုံ မှတ်တမ်း

စာအုပ်ကိုလည်း ပြန်ကြားရေး ဌာန ဗဟို ပုံနှိပ်တိုက် မှ ရိုက်နှိပ်ထုတ်ဝေခဲ့ပါသည်။

လမ်းညွှန်စာအုပ်များ (Guide Book) တွင် လည်း ထပ်ကွမ်းလူရည်ချွန်များဓါတ်ပုံ

စခန်းလှုပ်ရှားမှု ဓါတ်ပုံ အချို့ တို့ ကို ထည့်သွင်းဖော်ပြခြင်းများလည်းရှိခဲ့ဘူးပါသည်။

နောင်အခါ လမ်းညွှန်စာအုပ်များမှာ အသွင်ပြောင်း လဲခဲ့သလို ဓါတ်ပုံ များဖော်ပြခြင်း

မရှိတော့ပါ။

လမ်းညွှန် စာအုပ်အဖုံးများမှာ အစောပိုင်း ကဓါတ်ပုံ နှင့် ဒီဇိုင်းအချို့ တို့ ဖြင့်ဖြစ်ခဲ့

ပြီး ၊ နောက်ပိုင်းတွင် ပန်းချီ ယဉ်မင်းပိုက် ရေးဆွဲတင်ပြသည့် ကြယ်ပွင့်ကိုလှမ်းဆွတ်

ယူနေပုံ ကျောက်ဆစ်တုပုံပန်းချီ ကိုသုံးခဲ့ပါသည်။ ကျောက်ဆစ်ရုပ်ပုံမှာ (အနုစိတ်

အချောမဟုတ်) ၊ ထုနှင့်ပုံဖော်ထားသည့် ပန်းချီ ဖြစ်ပါသည်။ ဤပုံကိုလည်းနောက်ပိုင်း

တွင်ပြင်ဆင်ခိုင်းခဲ့၍ ၊ကြယ်ပွင့်နေရာ တွင် လူရည်ချွန် တံဆိပ် လက်တစ်ဖက်တွင်စာအုပ်ကို ဆုပ်ကိုင်ပုံ၊ လိုင်းနှင့် အပီဆွဲပုံ ဖြစ်လာပါသည်။ မူလ

ပန်းချီ ကျောက်ဆစ်ရုပ်ပုံကို ပြင်ဆင်ရေးဆွဲ ပေးခဲ့သူမှာ ပန်းချီ (ဦး) တင်ဝင်း

ဖြစ်ပါသည်။

လူရည်ချွန်စခန်းများသို့ ရောက်ရှိပြီး လူရည်ချွန် များနှင့် အတူနေကာ ဟော

ပြောမှု ပို့ ချမှု များလည်း သင်ကြားပို့ ချပေးခဲ့သည့် အတူ ကဗျာများလည်း ဖွဲ့ ဆို

ပေးခဲ့သော ၊ စာဆိုတော်ကြီး နှစ်ဦးမှာ ဆရာဇော်ဂျီ နှင့်ဆရာ မင်းသုဝဏ် တို့ နှစ်ဦး

ဖြစ်ပါသည်။

လူရည်ချွန်နှင့်ကြယ်တာရာ

ဆရာကြီးမင်းသုဝဏ်သည် ငပလီ ရွှေဝါချိုင် လူရည်ချွန် စခန်းသို့ ရောက်ရှိပြီး

သင်တန်းဆရာ တစ်ယောက်အဖြစ် (ဆရာကြီး၏ အသုံးအနှုန်း) နက္ခတ် ကြယ်တာရာ

အကြောင်း ပို့ ချပေးခဲ့သည်။ ထို အကြောင်ဆရာကြီးက ဆောင်းပါးပြန်ရေးခဲ့သည်။

မင်းသုဝဏ် ၏ခရီးသည် စာအုပ် ၌ ဖတ်ရပါသည်။ ဆောင်းပါးခေါင်းစဉ် က အထက်

အတိုင်းဖြစ်ပြီး ‘ငပလီ ကမ်းခြေ၊ ရွာတန်းရှည်’ အမည်နှင့် ကဗျာ တစ်ပုဒ် နှင့်စာမူ

ဖွင့်ထားပါသည်။

‘ငပလီ ကမ်းခြေ၊ ရွာတန်းရှည်’

လုံးသာနှင့် မဇင်

မြပြင်နှင့် ဂျိတ်တော။

သေလာမြိုင်

ရွှေဝါချိုင် ၀ါးတောင်ကွင်းရယ်နှင့်

ရွှေလင်းသာ ဇီးဖြူကုန်းမှာ

အုန်းပင်ကပေါ။

ငပလီ စခန်း (ရှေးဦးပိုင်း) နှင့် ရွာတန်းကိုမြင်ယောင် စရာပါ။ လုံးသာ၊ မဇင်၊ ဂျိတ်တော၊ လင်းသာ၊ ဇီးဖြူကုန်း တို့ သည် ရွာများပါ။ လူရည်ချွန်စခန်း၌ ရုပ်ရှင် ဖျော်

ဖြေရေး ရှိသည့် ညဆို လျှင် ရွာတွေမှ လှည်း ကလေးများနှင့် မီးခွက် ကလေးများနှင့်

ရုပ်ရှင်လာကြည့်လေ့ ရှိကြပါသည်။

ဆရာကြီး၏ဆောင်းပါးတွင် ညဘက်သောင်ပြင် ၌ နက္ခတ် တာရာကြည့်ရှုလေ့

လာတတ်အောင်လက်တွေ့ ပြသ ပို့ ချခဲ့သည်။ ဆရာနှင့်တပည့်များ အပြန်အလှန်မေး

ခွန်းများမေးလိုက်ဖြေပြလိုက်နှင့်ပို့ ချခဲ့သည်။ ကြုံရသော ရယ်မြူးဖွယ်တစ်ရပ် ဟု

ဆရာကြီးကရေးခဲ့သေးသည်။ ရန်ကုန် ၀/သ တက္ကသိုလ် ပါချုပ် ဆရာကြီးဒေါက်တာ

မောင်မောင်ခ က လူရည်ချွန်များကို နောင်တွင်မိုးလေ၀သအကြောင်း ပို့ ချရန်ရှိ၍ မိုး

ကောင်းကင်တွင်တိမ်တောင်တိမ်လိပ် မိုးရိပ်မိုးဆင်တို့ ကို ရှိစေချင်သည်။ လက်ညှိုးထိုးပြ ရှင်းလင်းသင်ချင်သည်။ ဆရာကြီးမင်းသုဝဏ် ကညဘက်တွင်

မိုးကောင်းကင်ကြီး ကြည်လင်နေစေချင်သည်။ ဤသို့ ဖြင့် နှစ်ဦးသား လိုလားတောင့်တ

ချက်ကို ဆုတောင်းမှုမှာ တစ်ဦးနှင့်တစ်ဦး ဆန့် ကျင်ဖက်ဖြစ်ရသည်ဟုရေးပါသည်။

ပြုံးမိရပါသည်။

ခြင်္သေ့ကြီးထိပ်လယ်

လိပ်ကြယ်ကနောက်ဆင်း ။

ကန်ရာသီ တောင်ထိပ်စွန်းမှာ

ထွန်းထိန်လို့ လင်း။

သို့ သော်ဆရာအလိုပြည့်ခဲ့သည်။ လူရည်ချွန်မောင်မယ်တပည့်များကို ဂြိုဟ်များကြယ်

များအကြောင်းရာသီအကြောင်းကို ရှင်းပြညွှန်ပြမေးသမျှ စိတ်လက်ရှည်ရှည် ဖြေခဲ့သည်။ နက္ခတ် ရာသီ ရုပ်များရှင်းပြခဲ့သည်။ အဆိုသံပေါက် များကို မှတ်သားလွယ်

အောင်ရွတ်ဆိုပြခဲ့သည်။ ပြန်မေးသမျှ ဖြေနိုင်ကြသောကြောင့် မှတ်မိဥာဏ်ထက်မြက်

ပါလား၊ ဒါကြောင့်လူရည်ချွန်ဖြစ်တာပဲဟုချီးမွမ်းစကားဆိုပါသည်။ ဤသို့ ဟောပြော

ပြသ စကားကောင်းခဲ့ ကြသဖြင့် အတော်ညဉ့် နက်သွားခဲ့သည်။ ဆရာကြီး ၏ဆောင်း

ပါးကို ပြန်ပြန်ဖတ်ရမိတိုင်း ကိုယ်မပါဝင်ခဲ့သော်လည်း ထိုညရှုခင်း မြင်ကွင်းကို စိတ်မျက်

စိထဲမြင်ယောင် မိအောင်ပင် ခံစားရတတ်ပါသည်။ ပုဂ္ဂိုလ် ခင်တရားမင်သည်ပင်။

ဆရာကြီးမင်းသုဝဏ်က စာမူကို ကဗျာ တစ်ပုဒ်ဖွဲ့ ဆို ပိတ်သိမ်းထားပါသည်။

ကြတ္တိကာ ပင်လယ်သက်တော့

ညဥ့်နက်ပေါ့တို့ တစ်တွေ

အိပ်ချေစို့ လေး။

အရှေ့ ဘက်က တောင်ပေါ်ကို

နေကျော်ရင် လုံးသာဘက်ကို

ထွက်ဘို့ ရှိသေး။

စခန်း၏တစ်ညတာ အစီအစဉ်ပြီးတော့ နံနက်မှာ သက်ဝင်လှုပ်ရှား ရမည့် အစီအစဉ်ကို

ဆရာကပြောထားပါသည်။

ဆုတ်ရေကငင်

ဝင်ရေကတွန်း။

လှိုင်းထက်မှာရေကစားတယ်

အားသစ်ပေါ်ထွန်း။

ဤကဗျာမှာလည်း ဆရာကြီးမင်းသုဝဏ် ၏ ‘လှိုင်းစီးသူ အတွေ့ ’ ဟု ခေါင်းစီးပေးထား

သောကဗျာ တစ်ပုဒ် ဖြစ်ပါသည်။ ငပလီ တွင်ဆရာက ကမ်းခြေတွင်လှိုင်းစီး ရေကစားရင်း တွေ့ မိသော နိမိတ်ပုံမှာ အလွန်ဟပ်မိမနေပါလား။

လူရည်ချွန်ဆု ရွေးချယ်ချီးမြှင့်မှု ပထမ ဦးဆုံးနှစ် အစီအစဉ် ချောမောအောင်မြင်

ပြီးနောက် ၁၉၆၅ ဒုတိယအကြိမ်မှာ တစ်မူထူးခြားခဲ့သည်။ ရှမ်းပြည်နယ်ညောင်ရွှေမြို့ 

နယ်ရှိ အင်းလေးခေါင်တိုင်စခန်း ကိုတိုးချဲ့ဖွင့်လှစ်ခဲ့ခြင်းဖြစ်သည်။ စာဆို စလေ ဦးပုည

က “ရေညိုပျံ့ သင်း၊ ညောင်ရွှေအင်းလည်း၊ နတ်မင်းသုံးရန်၊ နန္ဒာ ကန်နှင့်၊ သဏ္ဍာန်မခြား” ဟုတင်စားဖွဲ့ ဆိုခဲ့သော အင်းလေးကန်သာ။ မကွေးကောလိပ် ဒုတိယနှစ် လူရည်ချွန်ကျောင်းသူ မတင်မူက တော့ ယခုလို ခံစားဖွဲ့ ဆိုခဲ့သည်။

ရေပြင်ကငြိမ်ငြိမ်

ငွေတိမ်စင်ဖွေးဖွေး

ရေ အငြိမ် ငွေတိမ်ကူးတော့

ထူးလှတယ်လေး။

ညောင်လေးပင် အထက်တန်းကျောင်းမှ မောင်သိန်းလွင်ကလည်း သူကဗျာကို

‘အင်းလေးပန်းချီ’ ဟုအမည်ပေးထားပါသည်။

ရေပြင်ကကျယ်

ပင်လယ်လို့ တွေး။

စိတ်ထဲမြင်ယောင်မှန်းတယ်

ဆန်းသည့်အင်းလေး။

တောင်ငွေ့ ကဝေေ၀

တိမ်တွေကဆိုင်း

အင်းလေးကန်ရှုလေတိုင်း

မှုန်ရီလို့ မှိုင်း။

ခံစားတတ်သူတို့ ရေးဖွဲ့ သမျှသည် အမှတ်တရ ဖြစ်တော့သည်။ သည်စာစုတွေ

ပြန်တွေးရေးတော့နှစ်ကာလတွေ ကြာခဲ့ပြီ။ ပုထုဇဉ်ပီပီ မြင်ပြင်းကတ်အမုန်းဓါတ်ပွား

ရသည်ကို မမေ့တတ်နိုင်သေးသလို ချစ်ခင်စရာတို့ ကိုတော့ သတိရလို့ သာရှိပေသည်။

မြန်မာ့စာဆိုကြီးဆရာဇော်ဂျီ က ၁၉၆၅ ဇွန် -သြဂုတ်လ ထုတ်

‘ရှေ့့ဆောင်လူငယ်ဂျာနယ်’ အတွဲ (၁) အမှတ်(၁၁၊၁၂) အတွဲ (၂) အမှတ်(၁) တို့ တွင်

‘အင်းလေးလူရည်ချွန် စခန်းမ’ှ ကဗျာကို ဖွဲ့ ဆိုခဲ့ပါသည်။

မနေ့ ကညနေမှာ ၊ မိတ္ထီလာနေနား။

ဒီနေ့ မှာနေ့ လယ်ခင်း၊ အင်းရေမှာသွား။

အောင်သပြေ

ညောင်ရွှေလှေဆိပ်က၊ ရေရိပ်မှာစိမ်း။

အိုးစည်နှင့်ကြို

ရွှေမောင်းသံတချိုချိုပါ့

ညိုတိုတိုသပြေခက်က

ခွန်းဆက်ဟန်ယိမ်း။

တောင်ခြေမှာ ၊ညောင်ရွှေကမြခဲ။

လူရည်ချွန်ပြာလဲ့ဝင်း ၊အင်းရေက ပုလဲ။

ကျွန်းမျောက ၀ဲနှင့်ယာ

ဗေဒါက ယာနှင့်ဝဲ။

ယက်ရေမှာ စက်လှေပြေး

ဖွေးလျက်သာဘဲ။

အနောက်ဘက်ကမ်းခြေမှာ

စိမ်းစိုပြေရေခြံဝင်း၊ အင်းစပ်ရေရွာ၊

ကြာဖက်နင်းရယ်နှင့်

ဟသာင်္များတွန်သံသာ၊ ခေါင်တိုင်ရွာပါတဲ့။

ကုန်းမြင့်မှာရွှေမြင်တင်နှင့်

ကုန်းခြေတွင် ခေါင်တိုင်စခန်း

လွမ်းလောက်ပါရဲ့ ။

စခန်းကလွမ်းစရာ

နိုင်ငံတော်အလံလွှင့်ကာပါ့၊ ငါးပွင့်သစ္စာ၊

ပန်ဆင်ကြနေ့ တိုင်းသာ၊ အနာဂတ်မျှော်မှန်း၊

လူကောင်းလူမွန် နှင့်

လူရည်ချွန် လူယဉ်ကျေး၊ သွေးကြရွှင်လန်း။

လုပ်အားကိုတဲ့ပေးကြတယ်။

ပေါက်ပြားကိုကိုင်ကာစွဲ ခဲတံနှင့်ဖလှယ်၊

လမ်းသစ်နှင့်လမ်းဟောင်းအလယ်

မြေသယ်နှင့်မြေဖို့ ၊

ရွာလမ်းမှာ အတူတူပါ့

ခေါင်တိုင်သူ ကူလာနွှဲ၊ တွဲမိပြီမို့ ။

အင်းလေးမှာ လှည့်ပြန်သော်၊

အင်းပေါခုံ ဖောင်တော်ဦး၊ ဖူးခဲ့ပြီနော်။

တရွာဝင်တရွာထွက်ကယ်နှင့်

ခွန်းဆက်ကြတူပျော်ပျော်

တောင်ပေါ်နှင့်မြေပြန့် ။

အင်းလေးရေခြံက

ရက်ကန်းသံ မောင်းသံနှော

တောတောင်အနှံ့ ။

တောင်ခြေမှာ ညောင်ရွှေ နှင့်အင်းလေး၊

ခေါင်တိုင်အရပ်မှာလ

အမြတ်ကယ် အမွန်နှင့်၊

လူရည်ချွန်အပင်မျိုး၊

ပျိုးကြပြီလေး။

ဇော်ဂျီ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: