ဖြူစင်ဖို့ထက် သန့်စင်ဖို့လိုပါသည်

ဖြူစင်ဖို့ထက် သန့်စင်ဖို့လိုပါသည်

အောက်တိုဘာ ၂၄ ၊ ၂၀၁၄ M-Media သက်ဝေနှင်း ရေးသည်။

စကြ၀ဠာ၊ ကမ္ဘာ၊ လူနှင့် လူတို့နေထိုင်ရာ ပတ်ဝန်းကျင် သက်ရှိသက်မဲ့တို့ ကျင်လည်ရာလောက၊ သဘာဝတရားများနှင့် တီထွင်ဖန်တီးမှု နယ်ပယ်စသည် စသည်တို့သည် ဆက်စပ်တည်ရှိနေသော ဂေဟနယ်ပယ်များပင် ဖြစ်၏။

ကမ္ဘာမြေပေါ်တွင် သက်ရှိများနေထိုင်ကြသည်။ သက်ရှိများဆိုရာတွင် လူ၊ တိရစ္ဆာန်နှင့် သစ်ပင်များသာဖြစ်ကြပြီး ကျန်သည့်အရာများအားလုံးသည် သက်ရှိ လူသားများမှ ဖန်တီးထားခဲ့ကြသော ရုပ်ဝတ္တုပစ္စည်းများပင် မဟုတ်ပါလား။

ယနေ့ သတ္တကမ္ဘာမြေပြင်တွင် လူသားများသည် အသိဉာဏ်ပညာ အကြီးမားဆုံးဖြစ်သည်မို့ တစ်နေ့ထက်တစ်နေ့ နည်းပညာ ဖွံ့ဖြိုးတိုးတက်မှုများ ပိုမိုများပြားလာခဲ့ပေပြီ။ ထို့အပြင် လူသားသည် ဖန်တီး တီထွင်နိုင်မှုစွမ်းအားမြင့်မားခြင်း၊ အမှားအမှန် အဆိုးအကောင်းတို့ကို ပိုင်းဖြတ်ခွဲခြားနိုင်ခြင်းစသည့် အသိများ သတိများရှိကြပေသည်။ လူသားများသည် အသက်ရှင်နေထိုင် ရပ်တည်ရာ ဤကမ္ဘာမြပြင်ကြီးကို လေ့လာကြည့်မည်ဆိုပါက လူသားတို့၏ မျက်စိဖြင့် တွေ့မြင်နေရသော အရာများဖြစ်သည်။ (လူတို့ဖန်တီးထားသော) သဘာဝအလျောက်တည်ရှိမှုများ သဘာဝအလျောက် ဖြစ်ရှိနေမှုများတွင် မည်သည့်အရာမှ ညီမျှနေခြင်း တစ်ညီထဲ တစ်တန်းတစ်စားတည်း ဖြစ်နေခြင်းများ မရှိသည်ကို တွေ့မြင်နိုင်ပါသည်။ ဥပမာအားဖြင့်ဆိုရလျှင် တောင်ကုန်းတောင်တန်းများသည် အနိမ့်အမြင့်များစွာဖြင့် ဖွဲ့စည်းတည်ရှိနေသကဲ့သို့ တောအုပ်တောတန်း၊ သစ်ပင်၊ ခြုံပုတ်၊ မြစ်ချောင်း၊ အင်းအိုင်၊ ပင်လယ်၊ သမုဒ္ဒရာများသည်လည်း အထူ၊ အပါး၊ အကျဉ်းအကျယ်၊ အတိမ်အနက်တို့ မတူညီမှုများဖြင့် ဖွဲ့စည်းတည်ရှိနေကြပေသည်။ ဤသည်ကိုပင် သဘာဝတရားဟုခေါ်တွင်ခဲ့ကြသည် မဟုတ်ပါလား။ အရာရာသည် မတူညီမှုများ၊ ကွဲပြားခြားနားမှုများ၊ ဆန့်ကျင်ဘက်အနေအထားများဖြင့်သာ ထာဝရတည်ရှိနေပေသည်။

အသားအရောင်ကွဲပြားခြင်း၊ ဘာသာတရားကွဲပြားခြင်း၊ ဆင်းရဲချမ်းသာ မတူညီခြင်း၊ အနိမ့်အမြင့်ကွာခြားခြင်း စသည့် စသည့် ကွာခြားမှုများသည် ယခင့် ယခင်ကလည်း ရှိခဲ့သည်ဖြစ်သလို ယခု၊ နောင်တွင်လည်း ရှိနေဦးမှာပင်ဖြစ်၏။ ဤသို့ကွဲပြားခြားနားမှုများကြား၊ အဓိကကျစွာတည်ရှိနေရမည့် သဘောတရား တစ်ခုသည် နားလည်မှုပင်ဖြစ်၏။ ပိုင်းကန့်ခြားနားမှုများကို ပယ်ချလိုက်လျှင် “လူ” သည် “လူ” ပင်ဖြစ်၏ဟူသော သဘောသည် အလိုအလျောက်ပင်ရောက်ရှိလာပေလိမ့်မည်။

သို့ဆိုပါလျှင် လူသားများ၌လည်း မတူညီမှုများ ကွဲပြားခြားနားမှုများ ဆန့်ကျင်ဘက်များနှင့်ပင် ပေါင်းစည်း၍ ရပ်တည်ရှင်သန်နေကြသည်ကို လူသားတိုင်းသည် သိရှိနားလည်နေကြရပေမည်။ လူ့အသိဉာဏ်နှင့် အသိတရားတို့သည် မြင့်မားကြ၏။ ထိုနည်းတူခွဲခြားမှုများ ပြုလုပ်ကြသည်မှာလဲ လူသားများပင်ဖြစ်ကြ၏။ မြေ အနိမ့်အမြင့်၊ ခြုံ အထူအပါးစသည့် သဘာဝအလျောက် ဖြစ်ပေါ်နေသည့် မတူညီမျှမှုများကို လူသားတို့၏ အသိဉာဏ်ဖြင့် ညှိပြင်ပြောင်းလဲယူ၍ ရသလောက် ညှိပြင်ပြောင်းလာနေထိုင် အသက်ဆက်ကြသကဲ့သို့ ညှိ၊ ပြင်၊ ပြောင်းလဲ၍မရသောအရာများကိုကား သူ့သဘာဝအလျောက် ထားကြရသည် မဟုတ်ပါလား။ သို့ဆိုလျှင် မညီမမျှဖြစ်နေသော အရာများ မတူ ကွဲပြားခြားနားနေသော အရာများအား မိမိတို့၏အသိ၊ မိမိတို့၏သတိ၊ မိမိတို့၏ပညာ ညဏ်၊ မိမိတို့၏စိတ်ဓာတ်များဖြင့် ညှို၊ ပြင်၊ ပြောင်းလဲ၍ ရနိုင်သလောက် ညှိ၊ ပြင်၊ ပြောင်းလဲပြီး မရနိုင်သည့် အရာများအတွက် နားလည်မှုများထားကာ နေထိုင်ကြမည်ဆိုလျှင် “ပဋိပက္ခ”ဟူသည် ရှိလာနိုင်မည် မဟုတ်ပေ။ အသားအရောင်ကွဲပြားခြင်း၊ ဘာသာတရားကွဲပြားခြင်း၊ ဆင်းရဲချမ်းသာ မတူညီခြင်း၊ အနိမ့်အမြင့်ကွာခြားခြင်း စသည့် စသည့် ကွာခြားမှုများသည် ယခင့် ယခင်ကလည်း ရှိခဲ့သည်ဖြစ်သလို ယခု၊ နောင်တွင်လည်း ရှိနေဦးမှာပင်ဖြစ်၏။ ဤသို့ကွဲပြားခြားနားမှုများကြား၊ အဓိကကျစွာတည်ရှိနေရမည့် သဘောတရား တစ်ခုသည် နားလည်မှုပင်ဖြစ်၏။ ပိုင်းကန့်ခြားနားမှုများကို ပယ်ချလိုက်လျှင် “လူ” သည် “လူ” ပင်ဖြစ်၏ဟူသော သဘောသည် အလိုအလျောက်ပင်ရောက်ရှိလာပေလိမ့်မည်။

လူမျိုး တစ်မျိုးနှင့်တစ်မျိုး၊ နိုင်ငံတစ်နိုင်ငံနှင့် တစ်နိုင်ငံ၊ ဘာသာတရား တစ်ခုနှင့်တစ်ခု၊ လူသားတစ်ဦးနှင့် တစ်ဦးကြား ပတ်သက်ဆက်နွယ်မှုများ အပေါ်တွင် ကန့်သတ်မှု၊ ခွဲခြားမှု၊ မလိုမုန်းထားမှု၊ အမြင် ကျဉ်းမြောင်းမှုများ ထားရှိနေကြမည် ဆိုပါလျှင် လူသားများသည် ငြိမ်းချမ်းပျော်ရွှင်ဖွယ်ကောင်းသော ကမ္ဘာလောကကြီးနှင့် အစဉ်အမြဲလွဲချော် နေကြလိမ့် ဦးမည်သာဖြစ်ပေသည်။ လူသားသည် အဘယ်ကလာသနည်း။ လူသားသည် အဘယ်သို့သွားမည်နည်း။ ကောင်းမြတ်သည့်နေရာမှ လာ၍ ကောင်းမြတ်သည့်နေရာသို့သွားရန် ကောင်းမြတ်သည့် စိတ်ထားများသည်သာ ၀င်ပေါက်၊ ထွက်ပေါက် တံခါးချပ်ပင်ဖြစ်ပေ၏။

သို့ဆိုလျှင် ကျွန်ုပ်တို့လူသားများ အားလုံးကောင်းမြတ်ခြင်း အ၀င်၊ အထွက် လမ်းများဖြောင့်ဖြူးသာယာမှု ရရှိစေဖို့ ယနေ့မှစ၍ စိတ်များကို သန့်စင်အောင် ဆေးကြော လိုက်ကြပါစို့။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: