ဦးအောင်သောင်းကို ဖီဆန်ရင် ထောင်ထဲ ပြန်ရောက်သွားမှာ ၀ီရသူက စိုးရိမ်နေတယ်” (အရှင်ဂမ္ဘီရ)

ဦးအောင်သောင်းကို ဖီဆန်ရင် ထောင်ထဲ ပြန်ရောက်သွားမှာ ၀ီရသူက စိုးရိမ်နေတယ်” (အရှင်ဂမ္ဘီရ)
===========================
နိုဝင်ဘာ ၂၀ ၊ ၂၀၁၄
M-Media

အာဏာရှင်များ ကြောက်ရွံ့နေဆဲ အနှင်ခံဘုန်းတော်ကြီး သို့မဟုတ် အရှင်ဂမ္ဘီရ
———————————————————–
၂၀၀၇ ခုနှစ် မြန်မာနိုင်ငံတွင် လောင်စာဆီဈေး ရုတ်တရက်တက်လာသည့် အချိန်၌ အာဏာရှင်စနစ်အား ဆန့်ကျင်သော လူအုပ်စုကြီး လမ်းပေါ် ထွက်လာမှုကို ကမ္ဘာက စောင့်ကြည့်ခဲ့ကြသည်။ အဆိုပါ ဆန့်ကျင် ဆန္ဒပြမှုများတွင် သံဃာတော် ထောင်ပေါင်း များစွာ ပါဝင်လာခဲ့ပြီး ၎င်းတို့ လွှမ်းခြုံသော ၀တ်ရုံကိုအစွဲပြု၍ “ရွှေဝါရောင်တော်လှန်ရေး” ဟု ခေါ်တွင်ခဲ့လေသည်။

ကမ္ဘာကြီးနှင့် အချိန်အတော်ကြာ ကင်းကွာနေသော နိုင်ငံတစ်ခုမှ မြင့်မြတ်သော ပုဂ္ဂိုလ်များ ထိုကဲ့သို့ ငြိမ်းချမ်းစွာစုဝေးခြင်းက ကမ္ဘာ့အာဏာရှင်နိုင်ငံများထဲမှ တစ်ခုဖြစ်သည့် မြန်မာနိုင်ငံအတွက် လှုံ့ဆော်အားပေးမှုအဖြစ် မျှော်လင့်ချက် အလင်းရောင်ကို ဆောင်ကျဉ်းပေးခဲ့လေသည်။ ထို့နောက် အာဏာရှင်ဘက်က ထိုစုဝေးခြင်းတွင် ၀င်ပါခဲ့ပြီး အကြမ်းဖက်ဖြိုခွဲခဲ့ခြင်းကို ကမ္ဘာကြီးက စောင့်ကြည့် ခဲ့ရသည်။ လူမည်မျှသေသည်ကို မသိခဲ့ရ။ ဒဏ်ရာရသူများကလည်း ရေတွင်၍ပင် မရ။ သဘောထားကွဲလွဲမှုအပေါ် ဖိနှိပ်ရန် မြန်မာအစိုးရ၏ အင်အားသုံးမှုနှင့် အကြမ်းဖက်မှုမှာ ထိုအကြိမ်သည် ပထမဆုံးအကြိမ် မဟုတ်သော်လည်း ကမ္ဘာကြီးကတော့ ပထမဆုံးအကြိမ်အဖြစ် ထိုအဖြစ်အပျက်အား အချိန်နှင့်တစ်ပြေးညီ သိရှိခဲ့ကြသည်။

အရှင်ဂမ္ဘီရမှာ ထိုဆန္ဒပြမှုတွင် ပါဝင်သည့် အသင်းအဖွဲ့များထဲမှ အထင်ရှားဆုံးဖြစ်သော မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီးကို ဦးဆောင်ခဲ့သည်။ အစိုးရက ဖြိုခွဲမှုပြုလုပ်သည့်အခါ အရှင်ဂမ္ဘီရမှာ ၎င်း၏အချိန်အများအပြားကို ပုန်းရှောင်ရင်း ကုန်ဆုံးခဲ့ရသည်။ မြန်မာ အစိုးရအား ပြင်းပြင်းထန်ထန်ဝေဖန်သည့် စာများကိုလည်း နာမည်ကြီး အနောက်တိုင်းမီဒီယာများသို့ ရေးသားပေးပို့ခဲ့သည်။ သိပ်မကြာခင်မှာပဲ အရှင်ဂမ္ဘီရမှာ ဖမ်းဆီးခံလိုက်ရပြီး “ရွှေဝါရောက်တော်လှန်ရေး” တွင် ပါဝင်သည့်အတွက် ထောင်ဒဏ် ၆၈ နှစ် ချမှတ်ခြင်း ခံခဲ့ရသည်။

နိုင်ငံတကာက မြန်မာအစိုးရအား ဖိအားပေးခြင်းကြောင့် အရှင်ဂမ္ဘီရမှာ ၂၀၁၂ ခုနှစ်တွင် လွတ်မြောက်လာသည်။ သို့ရာတွင် အရှက်ခွဲခံရခြင်း၊ ဖမ်းဆီးခံရခြင်း၊ ပြန်လည်လွတ်မြောက်ခြင်း စသဖြင့် သံသရာလည် ခဲ့ပြီး နောက်ဆုံးတွင် ၂၀၁၃ ခုနှစ်၌ တိုင်းပြည်အား စွန့်ခွာခဲ့ရသည်။ အကျဉ်းကျခံနေရစဉ်အတွင်း အရှင်ဂမ္ဘီရမှာ ဆိုးဆိုးရွားရွား နှိပ်စက်ခြင်းကို ခံခဲ့ရသည်။ ဦးခေါင်းတွင် ပြင်းထန်သည့်ဒဏ်ရာများရခဲ့သည်။ ကျန်းမာရေးမှာလည်း တစ်ဖြည်းဖြည်း ဆိုးရွား၍ လာလေသည်။

အရှင်ဂမ္ဘီရတစ်ယောက် ဘုန်းကြီးဖြစ်လာသည့် ခရီးမှာလည်း သူများနှင့်မတူ တစ်မူထူးခြား၏။ ကလေးဘ၀က အိမ်မှထွက်ပြေးခဲ့ပြီးနောက် မြန်မာစစ်တပ်၏ ဖမ်းဆီးခြင်းခံခဲ့ရကာ ကလေး စစ်သားဖြစ်ခဲ့သည်။ စစ်မှုထမ်းနေစဉ် မိဘများက ပြန်တွေ့ခဲ့ပြီး စစ်ပြေးအဖြစ် ဖမ်းဆီးခြင်းမခံရန်နှင့် စစ်တပ်အတွင်းသို့ ပြန် မရောက်စေရန် အတွက် ဒေသတွင်းရှိ ဘုန်းကြီးကျောင်း တစ်ခုတွင် အရှင်ဂမ္ဘီရအား ဘုန်းကြီး ၀တ်စေခဲ့သည်။ ထိုဆုံးဖြတ်ချက်က နောင် ၁၄ နှစ်အကြာတွင် ဖြစ်ပွားမည့် နိုင်ငံ၏ အရေးပါဆုံး ဆန္ဒပြမှုထဲမှ တစ်ခုတွင် ပဲ့ကိုင်ရှင် တစ်ယောက်အဖြစ် ပါဝင်ရန် အကြောင်းအရင်း တစ်ရပ်လည်း ဖြစ်စေခဲ့သည်။ ထိုအချိန်တွင် သက်တော် ၂၈ နှစ်အရွယ်သာ ရှိသေးည့် အရှင်ဂမ္ဘီရ တစ်ယောက် အာဏာရှင်အား ဆန့်ကျင်သူ တစ်ယောက်အဖြစ် လူငယ်ဘ၀ကို ဆုံးရှုံးလု နီးပါးပင် ဖြစ်ခဲ့လေသည်။

အဆိုပါ လှုပ်ရှားမှုမှာ စနစ်တကျ စီစဉ်ထားသည့် အုံကြွမှုဖြစ်ရုံ သာမက သေသပ်တိကျစွာ စီစဉ်ထားသော မြေအောက် လှုပ်ရှားများထဲမှ တစ်ခုလည်းဖြစ်လေ၏။

“၂၀၀၄ ခုနှစ်ကစပြီး မြန်မာနိုင်ငံလုံးဆိုင်ရာ သံဃာ့ တပ်ပေါင်းစုအဖွဲ့ကြီးကို ကျွန်တော်တို့ ဖွဲ့စည်းလာခဲ့တာပါ။ နှစ်ပေါင်း ၂၀ လောက် ကုန်ဈေးနှုန်းတွေက တစ်ရိပ်ရိပ်တက်ပြီး လူတွေ ကလည်း စိတ်ပျက်ခဲ့ကြပါတယ်။ လောင်စာနဲ့ ကုန်ပစ္စည်းဈေးတွေက အရမ်းကြီးလာပြီး ၀င်ငွေက အရမ်းနည်းလာပါတယ်။ ၈၈ မျိုးဆက် ကျောင်းသားအဖွဲ့နဲ့ အခြားအဖွဲ့တွေက ဆန္ဒပြလို့ မလွယ်ပါဘူး ဒါဟာ ပြဿနာဖြစ်တစ်ခု ဖြစ်လာခဲ့ပြီး ဒါ့ကြောင့် သံဃာတော်တွေက ပါဝင်လာတာပါ” ဟု ၂၀၀၇ ခုနှစ် ရွှေဝါရောင်တော်လှန်ရေးတွင် ပါဝင်ခဲ့ပုံနှင့် ပတ်သက်၍ ပြောပြခဲ့လေသည်။

အဆိုပါ ဆန္ဒပြမှုတွင် ပါဝင်ခဲ့သည့် ၎င်း၏ အခန်းကဏ္ဍကြောင့် အာဏာရှင်များက အရှင်ဂမ္ဘီရအား ကြမ်းကြမ်းတမ်းတမ်းပင် ကိုင်တွယ်ခဲ့ပြီး ထောင်ဒဏ် ၆၈ နှစ် ချမှတ်ခဲ့လေသည်။ မြန်မာ့လူ့အဖွဲ့အစည်းတွင် သံယာများမှာ လေးစားမှုကို ခံရသော်လည်း အရှင်ဂမ္ဘီရကို ဖမ်းဆီးသူများကတော့ ရက်စက်ခဲ့ကြသည်။

“ထောင်ထဲမှာ သူတို့ဟာ ပုံစံ ၃ မျိုးနဲ့ နှိပ်စက်ပါတယ်။ ရုပ်ပိုင်းဆိုင်ရာ၊ စိတ်ပိုင်းဆိုင်ရာနဲ့ ဆေးဝါး အသုံးပြု နှိပ်စက်မှုတွေဖြစ်ပြီး သူတို့ ဆေးတွေလည်း ထိုးပေးပါတယ်။ ကျွန်တော်အိပ်နေတဲ့အချိန်မှာ သူတို့ အမြဲတမ်း နှောက်ယှက် ဖို့ကြိုးစားတယ်။ ကျွန်တော့်ထမင်းပန်းကန်ထဲမှာ သဲတွေထည့်တယ်။ ဒါပေမယ့် ကျွန်တော့်မိသားစုက အစားအသောက်တွေ ပို့တဲ့အတွက် အဲဒီထမင်းကိုတော့ ကျွန်တော် မစားပါဘူး။ ကျွန်တော်ကြောက်အောင် လို့ အသံသေး အသံကြောင်တွေ သူတို့လုပ်တယ်။ ပြီတော့ ကျွန်တော့်ကို ရိုက်နှက်ကြပါတယ်” ဟု ၎င်းက ထောင်တွင်းအတွေ့အကြုံကို ဖွင့်ဟခဲ့လေသည်။

နိုင်ငံတကာ လူ့အခွင့်အရေး စောင့်ကြည့်လေ့လာရေးအဖွဲ့ Amnesty International ထုတ်ပြန်သည့် အစီရင်ခံတွင် အရှင်ဂမ္ဘီရအား ကုလားထိုင်၌ ကြိုးတုတ်ထားပြီး ဦးခေါင်းကို အ၀တ်ဖြင့်အုပ်ကာ သစ်သားနံပါတ်တုတ်ဖြင့် ဦးခေါင်းအား ရိုက်နှက်ခဲ့ကြသည်ဟု ဖော်ပြထားသည်။ ၎င်း၏ လက်အား ကုလားထိုင်လက်တန်းဖြင့်တွဲ၍ လက်ထိပ်ခတ်ထားပြီး အချိန်ကြာလာသည်နှင့် အမျှ ထိုလက်ထိပ်က လက်ကောက်ဝတ်ရှိ အသားများကို ပွန်းပဲ့ပြတ်ထွက်စေ ခဲ့သည်။ ရလဒ်အနေဖြင့် ၎င်း၏ လက်အား ထောင်ထဲ မရောက်ခင်က အကောင်းပကိတိ ပုံစံအတိုင်း ပြန်လည်အသုံးပြုနိုင်အောင် အရှင်ဂမ္ဘီရ တစ်ယောက် ကြိုးစားကုသခဲ့ရလေသည်။

ထိုးဆေးများနှင့်ပတ်သက်၍ ၎င်းက

“ထောင်တွင်းဆရာဝန်က ကျွန်တော့်ကို ဆေးတစ်လုံး ထိုးလိုက်ရင် ကျွန်တော်စပြီး တုန်လာတာပါပဲ။ ကျွန်တော့်ရဲ့ခန္ဓာကိုယ်နဲ့ ခြေထောက်တွေ တုန်လာမယ်။ ပြီးတော့ ကျွန်တော် အော်တော့တာပါပဲ။ အဲဒီလိုမျိုး သုံးနာရီလောက် ထားပါတယ်။ ပြီးတော့ ဆရာဝန်ပြန်ရောက်လာပြီး အစောင့်က ကျွန်တော့်ခြေထောက်ကို ချုပ်ကာ ဆေးတစ်လုံး ထပ်ထိုး ပါတယ်။ အဲဒီတော့မှ တုန်တာတွေလျော့လာပါတယ်” ဟု သူကဆိုသည်။

၎င်း၏ကိုယ်ထဲသို့ ထိုးသွင်းသော အဆိုပါဆေးမှာ မည်သည့်ဆေးဖြစ်သည်ကို ယနေ့အချိန်အထိ အရှင်ဂမ္ဘီရတစ်ယောက် မသိခဲ့။

နိုင်ငံတကာမှ ကျယ်ကျယ်လောင်လောင်ပြောဆိုမှုနှင့် ဖိအားပေးမှု တို့ပြီးနောက် ဖြစ်လာသော လွတ်ငြိမ်းချမ်းသာခွင့်နှင့်အတူ အရှင်ဂမ္ဘီရမှာ ၂၀၁၂ ခုနှစ် ဇန်န၀ါရီ ၁၃ ရက်နေ့တွင် ပြန်လည် လွတ်မြောက်လာလေသည်။ ထို့နောက်ပိုင်းတွင် ၎င်းမှာ အကြိမ်ကြိမ်အခါအခါ ဖမ်းဆီးခြင်းခံခဲ့ရပြီး ၂၀၁၃ ခုနှစ် မတ်လတွင်တော့ ထိုင်းနိုင်ငံသို့ ပြောင်းရွှေ့ခဲ့လေသည်။

၎င်းအနေဖြင့် မြန်မာပြည်မှ ထွက်ခွာသွားပြီးနောက်ပိုင်း ဖြစ်ပွားခဲ့သော ဗုဒ္ဓဘာသာဝင်နှင့် မွတ်စလင်များအကြား တိုက်ခိုက်မှုများက ၎င်း၏ စိတ်တွင် ထင်ကျန်နေသည်။ အမျိုးသားရေးဝါဒ မြင့်တက်လာခြင်းနှင့်အတူ အဓိကရုဏ်းများတွင် အဏာရှင်များက အဓိကအခန်းကဏ္ဍမှ ပါဝင်ခဲ့သည်ဟု အာဏာရှင်အား အမြဲတမ်း သတိထားစောင့်ကြည့်ခဲ့သည့် အရှင်ဂမ္ဘီရ တစ်ယောက် ယုံကြည်နေလေသည်။

“ငြိမ်းချမ်းရေးမရှိဘူးဆိုရင် စစ်မှန်တဲ့ ဒီမိုကရေစီရဖို့ဆိုတာ ခက်ခဲမှာပါ။ ဒီလိုနည်းလမ်းနဲ့ပဲ ဗိုလ်ချုပ်ကြီးတွေဟာ အာဏာကို ဆက်လက် ထိန်းချုပ်ထားတာပါ။ သူတို့ဟာ နိုင်ငံရေးအဖြေရှာမှုတွေကို စိတ်မ၀င်စားပါဘူး။ အစိုးရက ဒီအဖြစ်အပျက်တွေအားလုံးကို နောက်ကွယ်ကနေ ဖန်တီးနေတာပါ။ မိတ္ထီလာမှာဆိုရင် ၂၀၁၃ ခုနှစ်မှာဖြစ်ခဲ့တဲ့ အကြမ်းဖက် တိုက်ခိုက်မှုတွေဟာ ဒေသခံပြည်သူတွေ လုပ်တာမဟုတ်ဘဲ အခြားဒေသက လာတဲ့သူတွေ လုပ်တာပါ”

အထူးသဖြင့် အရှင်ဂမ္ဘီရမှာ “ဗုဒ္ဓဘင်လာဒင်” ဟု ကျော်ကြားသည့် ၀ီရသူအား ပြစ်တင်ပြောဆိုခဲ့၏။ ၀ီရသူမှာ မွတ်စလင်များနှင့် ပတ်သက်၍ အမုန်းစကားများ၊ ကောလဟာလ များကို ဖြန့်ဝေကာ မြန်မာနိုင်ငံရှိ ဗုဒ္ဓဘာသာဝင်များနှင့် မွတ်စလင်များအကြား တင်းမာမှုများဖြစ်အောင် လှုံ့ဆော်ပေးသူဟု အများက လက်ခံထားသူလည်း ဖြစ်၏။

“သူ မွတ်စလင်တွေအကြောင်း ဟောပြီဆိုတာနဲ့ မကြာခင်မှာ အကြမ်းဖက်မှုတွေ စဖြစ်တာပါပဲ” ဟု အရှင်ဂမ္ဘီရက ပြောကြားခဲ့သည်။

ဝီရသူနှင့် နှစ်ကြိမ်တွေ့ဆုံခဲ့မှုအကြောင်းကိုလည်း အရှင်ဂမ္ဘီရက ပြန်ပြောင်း ပြောပြခဲ့သည်။

“ကျွန်တော်တို့ ထောင်ထဲမှာတွေ့ကြတာပါ။ ၀ီရသူက မန္တလေးထောင်မှာပါ။ ကျွန်တော်ဟာ ထောင်ထဲမှာ တစ်ယောက်တည်းဖြစ်နေပြီး သူက အခြေအနေဘယ်လိုရှိလဲ လို့ စာပို့ပြီး မေးပါတယ်။ ကျွန်တော်လွတ်တဲ့အခါ သူနဲ့နောက်တစ်ကြိမ် ထပ်ဆုံပါတယ်။ အဲဒီတုန်းက မွတ်စလင်နဲ့ ဗုဒ္ဓဘာသာဝင်တွေအကြား ရန်တိုက်တာမျိုးမလုပ်ဖို့ ကျွန်တော်ပြောခဲ့ပါတယ်။ အဲဒီလို လုပ်ရပ်တွေဟာ ဗုဒ္ဓဘာသာရဲ့ ဂုဏ်သိက္ခာကို ညှိုးနွမ်းစေပါတယ်”

ထိုသို့ပြောစဉ် ၀ီရသူ၏ တုံ့ပြန်မှုက အစိုးရနှင့် အခြေမကျသေးသည့် ဆက်ဆံရေးတစ်ခုရှိနေကြောင်း ၀န်ခံသကဲ့သို့ ဖြစ်နေသည်ဟု အရှင်ဂမ္ဘီရက ထပ်လောင်းပြောကြားခဲ့၏။

“ကျွန်တော်နဲ့ ၀ီရသူတို့ မတွေ့ခင်တုန်းက သူဟာ ဗိုလ်ချုပ်မှူးကြီး သန်းရွှေ(ယခုအချိန်အထိ နောက်ကွယ်မှ အာဏာကို ဆုပ်ကိုင်ထားသည်ဟု ယုံကြည်ရသူ)ရဲ့ အနီးကပ်အကြံပေး ဦးအောင်သောင်းနဲ့ တွေ့ခဲ့ပြီးပါပြီ။ ကျွန်တော်နဲ့ စကားပြောတုန်း သူက ဒီလိုပြဿနာမျိုးတွေ အနာဂတ်မှာ မဖန်တီးတော့ဘူးလို့ ကျွန်တော့်ကို ပြောပါတယ်။ ဒါပေမယ့် သူက ဦးအောင်သောင်းကို လွန်ဆန်လို့မရဘူးလို့လည်း ဆိုပါတယ်။ တကယ်လို့ ဦးအောင်သောင်းကို ဖီဆန်မယ်ဆိုရင် ထောင်ထဲနောက် တစ်ခါရောက်သွားမှာကို ၀ီရသူက စိုးရိမ်နေပါတယ်။ ဒါဟာ(လူမျိုးရေးတင်းမာမှုတွေကို) ၀ီရသူဖန်တီးတဲ့ အကြောင်းအရင်းပါပဲ” ဟု ဆိုလေသည်။

အရှင်ဂမ္ဘီရ၏ ထိုပြောဆိုမှုသည်သာ မှန်ကန်ခဲ့မည်ဆိုလျှင် ဗုဒ္ဓဘင်လာဒင် ၀ီရသူအနေဖြင့် မွတ်စလင်များနှင့် ဗုဒ္ဓဘာသာဝင်များအကြား ဆူပူလှုပ်ရှားမှုများဖန်တီးရန် အစိုးရ၏ ဖိအားပေးမှု ခံထားရမှုကို ၀န်ခံခြင်းပင် ဖြစ်လေ၏။ ရခိုင်အရေးအခင်းမဖြစ်မီ ၂၀၁၂ ခုနှစ် ဧပြီလ၌ ၀ီရသူနှင့် ဦးအောင်သောင်းတို့ တွေ့ဆုံပြီးနောက် ၎င်းတို့နှစ်ဦးကြား ဆက်ဆံရေးနှင့်ပတ်သက်၍ ကောလဟာလများ ထွက်ပေါ်လာခဲ့သည်။ သို့သော်လည်း ၀ီရသူအား ဆက်သွယ်မေးမြန်းရာတွင်တော့ ၎င်းတို့နှစ်ဦးမှာ မတွေ့ဆုံခဲ့ဟု ပြတ်ပြတ်သားသားပင် ငြင်းခဲ့လေသည်။

ပြီးခဲ့သည့်လတွင် အမေရိကန်က ဦးအောင်သောင်းအား အမည်ပျက်စာရင်း သွင်းခဲ့ပြီး ပိတ်ဆို့မှုများ ပြုလုပ်လိုက်ပြီဟု ကြေညာခဲ့သည်။ အမေရိကန် ဘဏ္ဍာရေးဌာန၏ ပြည်ပပိုင်ဆိုင်မှု ထိန်းချုပ်ရေးရုံးမှ ထုတ်ပြန်သောကြေညာချက်တွင် “မြန်မာနိုင်ငံရှိ အပြု သဘောဆောင်သော နိုင်ငံရေးနှင့် စီးပွားရေးပြုပြင်ပြောင်းလဲမှုများကို အခြေပျက်စေရန် ဦးအောင်သောင်းမှာ တင်မင်တကာ ရည်ရွယ်၍ အကြမ်းဖက်မှု၊ ဖိနှိပ်ချုပ်ချယ်မှုနှင့် ချစားမှုများကို ဆက်လက်တည်တံ့စေသည်” ဟု ဖော်ပြထားသည်။

သေဆုံးသူအရေအတွက်ကို အတိအကျ မသိရှိရဘဲ လူပေါင်း ၁၄၀၀၀၀ ခန့် အိုးအိမ်စွန့်ခွာ ထွက်ပြေးခဲ့ရကာ ပိတ်လှောင်ထားသည့် ဒုက္ခသည် စခန်းများတွင် နေထိုင်နေရသည့် ရိုဟင်ဂျာမွတ်စလင်များနှင့် ရခိုင်ဗုဒ္ဓဘာသာဝင်များ အကြား ဆူပူအုံကြွှမှုများဖြစ်ခဲ့သော ရခိုင်ပြည်နယ်တွင် ဆက်လက်ဖြစ်ပွားနေသော အကြမ်းဖက်တိုက်ခိုက်မှုနှင့် စပ်လျဉ်း၍ ထိုအဖြစ်အပျက်၏ နောက်ကွယ်တွင်လည်း တူညီသော ကြိုးကိုင်သူ ရှိသည်ဟု အရှင်ဂမ္ဘီရက ယူဆနေသည်။

“ဟုတ်ပါတယ်။ ဗိုလ်ချုပ်တွေရဲ့ အာဏာကြောင့်ပါပဲ။ ရခိုင်မှာဆိုရင် သဘာဝဓာတ်ငွေ့သိုက်တွေ အများကြီးရှိတယ်။ ပြီးတော့ သူတို့က ဒါတွေကို ထိန်းချုပ်ထားချင်ကြတယ်လေ။ အကြမ်းဖက်မှုကို စတင်စေတဲ့ ပြဿနာက သေးသေးလေးပါ။ ဒါပေမယ့် သူတို့က စစ်ပွဲကြီးအသွင် ပြောင်းလဲလိုက်ကြတယ်။ အမျိုသမီးငယ်(မသီတာထွေး)ကို မုဒိမ်းကျင့်သူတွေကို သူတို့ ဖမ်းဆီးနိုင်ခဲ့ပြီးပါပြီ”

အာဏာပိုင်များမှာ မသီတာထွေးအား သတ်ဖြတ်ခဲ့သည်ဟု ယူဆရသူများကို အမှန်တစ်ကယ်ပင် ဖမ်းဆီးခဲ့သည်။ ထို့ပြင် ထိုအာဏာပိုင်များမှာ ရိုဟင်ဂျာမွတ်စလင်များအား ဦးတည်သည့် အကြမ်းဖက်မှုများကို ခွင့်ပြုခြင်း၊ ဆွပေးခြင်းနှင့် အချို့နေရာများတွင် ပါဝင်ခြင်းတို့ ရှိခဲ့သည်ဟု စွပ်စွဲခံထားရလေသည်။

နိုင်ငံအတွင်းရှိ ဗုဒ္ဓဘာသာဝင်များနှင့် မွတ်စလင်တို့အကြား တိုက်ခိုက်မှုများမှာ လျော့ပါးသွားမည့် လက္ခဏာ မရှိဘဲ ပြီးခဲ့သည့် နွေရာသီက မန္တလေးမြို့တွင်ပင် ထိုကဲ့သို့ အဓိကရုဏ်းများ ဖြစ်ပွားခဲ့သည်။ ရင်ကြားစေ့ရေးအတွက် မျှော်လင့်ချက်ရှိသလားဟု မေးမြန်းရာတွင် အရှင်ဂမ္ဘီရက

“ရှိပါတယ်။ ဒါပေမယ့် ပြဿနာတစ်ခုက လူတွေဟာ ပညာ မတတ်တာကြောင့် မစဉ်းစား မတွေးခေါ်နိုင်ပါဘူး။ လူတွေဟာ သူတို့ရဲ့ ခေါင်းဆောင်ပြောတာကိုဘဲ နားထောင်ကြပါတယ်။ အကြမ်းဖက်မှု အဆုံးသတ်ဖို့အတွက် မြန်မာနိုင်ငံက ဘာသာပေါင်းစုံ ခေါင်းဆောင်တွေနဲ့ ရင်ကြားစေ့ရေး အဖွဲ့တစ်ခု ဖွဲ့စည်းဖို့ကိုလည်း ကျွန်တော်တို့ ကြိုးစားနေပါတယ်။ ဒါပေမယ့်လည်း ဒီလိုလုပ်ဆောင်မှုကို ဆန့်ကျင်တဲ့ မွတ်စလင် ဆန့်ကျင်ရေး အုပ်စုတွေလည်း ရှိနေပါတယ်။ ဥပမာ မ.ဘ.သ လို အဖွဲ့မျိုးပေါ့ဗျာ” ဟု ပြန်လည်ဖြေကြားခဲ့သည်။

အရှင်ဂမ္ဘီရမှာ နှလုံးသား၏ ဆွဲဆောင်မှုကြောင့် ဖြစ်လာသည့် သူပုန်မျိုး ဖြစ်လေ၏။ ရိုက်နှက်ခြင်းကို ကြောင့်ရွံ့မည့်သူ မဟုတ်သလို၊ ခြိမ်းခြောက်အကြပ်ကိုင်ခြင်းကြောင့် ဒူးထောက်မည့် သူမျိုးလည်း မဟုတ်။ မြန်မာနိုင်ငံသား အားလုံးအတွက် တရားမျှတမှုကိုရှာဖွေရန် သူ၏ မဆုတ်မနစ်သော ကြံ့ကြံ့ခံနိုင်မှုက အာဏာရှင်များ သူကိုကြောက်ရွံ့သည့် အကြောင်းအရင်းတစ်ခုလည်းဖြစ်သည်။ အရှင်ဂမ္ဘီရ၏ အဆိုအရ ထိုအကြောင်းကြောင့်ပင် ၎င်းအနေဖြင့် မြန်မာနိုင်ငံသို့ ပြန်လည် လာရောက်မည်ကို အစိုးရက ကြောက်ရွံ့သည်ဟု ဆိုလေသည်။

“သူတို့ကြောက်ကြတယ်လေ။ လူတွေက ကျွန်တော့်ကိုထောက်ခံတုန်းပဲဆိုတာ သူတို့သိတယ်။ အစိုးရက ကျွန်တော့်ကို စောင့်ကြည့်နေတုန်းပဲ။ ကျွန်တော်နေခဲ့တဲ့အိမ်ကို ၁၅ မိနစ်တစ်ခါ ရဲတွေက ကင်းလှည့်ကြည့်ရှုကြတယ်။ ကျွန်တော်ထိုင်လေ့ရှိတဲ့ လက်ဖက်ရည်ဆိုင်မှာလည်း သူတို့ စောင့်နေကြတယ်။ ကျွန်တော် ပြန်လာမလားလို့ပေါ့”

အရှင်ဂမ္ဘီရတစ်ယောက် မြန်မာနိုင်ငံသို့ ပြန်လည်လာရောက်မည်ဆိုလျှင်တော့ မြန်မာပြည်သူများက ကျေးဇူးတင်ကြပေလိမ့်မည်။

VICE Media တွင်ဖော်ပြခဲ့သည့် “Myanmar’s Exiled Rebel Monk Reckons He’s Still Dangerous ” ဆောင်းပါးကို လေးမောင် (M-Media) မှ ဆီလျော်အောင် ဘာသာပြန်ဆိုသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: